Кітап үзіндісі

2021-08-04 07:00:02 Адам шын жақсы көрген адамының көп кемшіліктерін, мінезінің кілтипандарын аңғармайды ғой.

Нұртас Исабаев "Өмірге құштарлық"

@kitapuzindisi Ашу / Түсініктеме

2021-08-04 07:00:02 Қайран, балалық-ай десеңші! Алыста қалған арайлы, адал таңдарым менің. Онда мен кіп-кішкентай сәби едім. Айнала таулар да, үйлерде де, қойтастар да, жылқылар да бәрі-бәрі үлкен болатын. Адамдардың бәрі "айналайыннан" басқа сөзі жоқ, кілең мейірімді жандар болып көрінетін...
Қария кісілердің сақалынан қасиет-қадір белгісі көрініп тұрар еді маған. Ер мінез жігіттердің кесек тұлғаларынан, шашбаулары сылдыраған қыз-келіншектердің жүріс-тұрысынан мен адамзаттың асқақ сұлулығын түйсіксіз байқағандай болармын. Солардың бәрі мені аймалап, сүю үшін жаратылған жандар сияқты сезілуші еді.

Бауыржан Момышұлы "Ұшқан ұя"

@kitapuzindisi Ашу / Түсініктеме

2021-08-03 12:38:08 – Жаны мұңға жақын адам өмірден мән табу үшін не істеуі керек? – деп сұрадым.
– Он екі мүшесі сау адамдардың өмірді сүймеуге еш қақысы жоқ! – деді ол қабағын түйіп.
– Көктем болса да – көктемнің исін сезбейтін, жаз болса да – жадырамайтын, қыс болса да – қардың ақтығын көрмейтін, күз болса да – күздің сұлулығын жүрек көзінен өткізе алмайтын қаншама жүрегі соқыр адам бар. Олардың тәні – cау, бірақ жаны – мүгедек, – дедім жылағым келіп.

Аягүл Мантай "Соқыр сана"

@kitapuzindisi Ашу / Түсініктеме

2021-08-03 07:00:10 Еркек дегендердің көзге көрінбейтін екі, көзге көрінетін үш қасиеті болады... Көзге көрінетін үш қасиеті: бетіндегі айбаты, қолындағы қайраты, қалтасындағы дәулеті. Көзге көрінбейтін қасиеттерінен қателессеңдер оқасы жоқ, бірақ көрініп тұратын қасиеттерінен қате жібермеңдер. Әйел пақырдың бағы жанбайын десе, сөйтіп қара басады.

Әбіш Кекілбаев "Шеткері үй"

@kitapuzindisi Ашу / Түсініктеме

2021-08-02 19:57:58 Дүниеде еркектің жынын қоздыратын әйелдің тік қарағаны-ақ қой.

Тынымбай Нұрмағамбетов "Бөрібайдың тымағын ит алып қашқан қыс"

@kitapuzindisi Ашу / Түсініктеме

2021-08-02 19:57:54 Сұлулар өтсе жанымнан, сүзіліп тұрып қараймын.
Әдемі қызды көргенде, ақылды қызды аяймын!

Жұмекен Нәжімеденов "Дала дидары"

@kitapuzindisi Ашу / Түсініктеме

2021-08-02 07:00:11 Абай айтқан:
«Естiген нəрсенi ұмытпастыққа төрт түрлi себеп бар:
əуелi – көкiрегi байлаулы берiк болмақ керек;
екiншi – сол нəрсенi естiгенде я көргенде ғибрəтлану керек, көңiлденiп, тұшынып, ынтамен ұғу керек;
үшiншi – сол нəрсенi iшiнен бiрнеше уақыт қайтарып ойланып, көңiлге бекiту керек;
төртiншi – ой кеселдi нəрселерден қашық болу керек. Егер кез болып қалса, салынбау керек.
Ой кеселдерi: уайымсыз салғырттық, ойыншы-күлкiшiлдiк, я бiр қайғыға салыну, я бiр нəрсеге құмарлық пайда болу. Бұл төрт нəрсе – күллi ақыл мен ғылымды тоздыратұғын нəрселер», – деген талаптардың бəрінің үдесінен шыққысы кеп жүрген Азамат.

Мырзагелді Кемел "Бітігші"

@kitapuzindisi Ашу / Түсініктеме

2021-08-01 07:00:11 Танысқанымызға бір-екі ай өткен шамада Сәулеге өз ойымды ашық білдірдім:
— Тағдырымыз бір, тәрбиеміз ортақ. Сен пәленсің, мен түгенмін дейтін емес... Бұл күнде қадірі қашып, тозығы жеткен «сүйемін! дейтін бір жаттанды сөз бар. Мен соны қайталағым келмейді. Ал сені ұнатып қалғаным анық. Егер лайық көрсең, мен өз үйімнің отын саған жаққызсам деген ойым бар! — дедім.
Қыз үнсіз тыңдап тұр.
– Мені бүгінгі күнмен емес, болашақпен өлше. Бүгінгі жалаңаяқ студент ертең үлкен жазушы болады. Өмір жетсе, классик болуы да ғажап емес... Қалай болған күнде де, бір әйелді бақытты етуге шамам келеді. Осыған сен де, етегімнен ұста! — дедім.
Сәуле қарсы емес. Бірақ көңілінде күдік бар екен.

Қабдеш Жұмаділов "Таңғажайып дүние"

@kitapuzindisi Ашу / Түсініктеме

2021-07-31 07:00:08 Біз мүлде әсер етпейтін нәрселерге уақытымызды жұмсауға құмармыз: жаңа заң шықса, қолданысқа
жарамайды ғой деп сын айтамыз, әліпби өзгерсе, басымызды ауыртып әліпби ойлап табамыз. Сен әсер ете алмайтын нәрсеге бекер күш жұмсап, әуре болудың қажеті жоқ, өйткені нәтижесін бәрібір өзгерте алмайсың.

Қуаныш Шонбай ”Екінші болма”

@kitapuzindisi Ашу / Түсініктеме

2021-07-30 07:00:01 — Уақыт, көп болса, сенің бетіңді әжімдеген шығар, ал жүрекке әжім түспейді, — дедім.

Шерхан Мұртаза "Жүрекке әжім түспейді"

@kitapuzindisi Ашу / Түсініктеме