Арна мекенжайы:
Санаттар:
Дін
Тіл: қазақ
Жазылушылар:
1.86K
Арнадан сипаттама
Хадистер, хадис ілімі, хадис шархтары және хадис ғалымдарының жазбалары📚
Ілім ізденушіге насихаттар📌
Админ нмудың қарапайым байырғы түлегі.
Ratings & Reviews
Reviews can be left only by registered users. All reviews are moderated by admins.
5 stars
0
4 stars
1
3 stars
0
2 stars
0
1 stars
1
Соңғы хабарлар
2022-12-26 21:05:31
“Кітаптар екіге бөлінеді: кутуб тәғәллум және кутуб иттиләәғ.
Кім тәғәллуми кітаптарды оқыса, сөзсіз ғалым болады.
Ал кім иттиләғи кітаптарды оқыса, парасатты мусәққаф болатыны сөзсіз».
Шейх Усәмә әл-Әзһәри
Мәселе екеуінің балансын сақтай алу.
Тәғәллуми кітаптар міндетті түрде ұстазбен оқылады. Ал иттилағи кітаптар үшін ол секілді шарт жоқ.
230 views18:05
2022-12-26 01:17:13
Ілім алудың ләззаттылығы сонша оны сипаттап айтып беру мүмкін емес.
Игілеріміз айтпақшы:
«
Расында, ілім ләззаты – бұл дүниелік емес, жәннаттық ләззаттің бір бөлігі».
Сол себепті де оны сипаттау мүмкін емес…
375 views22:17
2022-12-25 17:03:41
«Бәрімізге белгілі нәрсе:
«Ілім – қазынаға толы сандық. Ал оның кілті – ұстазға сұрақ қою».
Осы жерде тағы бір маңызды жағдаятты қосқым келіп тұр. Ілім – қазына. Сұрақ – оның кілті.
Ал сұрақтың кілті – “сухба”.
Сухба – ұстазбен тығыз байланыста болып, әрдайым жанынан табылу.
Көбіне дәріс барысында ұстазға оңтайлы сұрақ қоюдың реті келе бермейді.
Ал ұстаздың сухбасында болсаң,міндетті түрде сол сұрақтарды қоюдың ретін таба аласың».
Шейх Усәмә әл-Әзһәри
(Алла оны қамқорлығына алғай)
667 views14:03
2022-12-22 01:52:21
«Ақыл – Алладан болған ең үлкен сыйдың бірі. Көптеген шәкірттер күніне тіпті 6-7 сағат кітап оқуы мүмкін. Бірақ, ақылын жұмыс істетуді білмесе, онысы жәй ғана ақпарат болып қалады.
Кей ғалымдарды: «Оның ақылынан білімі көп» деген сөзбен сынға алса, ал кейбірін: «Білімінен ақылы көп»,-деп мақтап айтқан».
Шейх Мужир әл-Хатиб (хафизаһулла)
Қазіргі таңда көптеген ілім ізденушілерден бұзғыншылық байқалу себебі де осы.
Ілім алған. Оқитынды оқыған. Бірақ, ақылын жұмыс істете оқыған нәрсесін қалай айту керектігін, оны қай жерде айтып, қай жерде айтпау қажеттігін білмейді.
Аз-маз оқығанын беталды айта беріп, өзін де басқаларды да абыржытуда.
Сол үшін дұғамызда пайдалы іліммен қатар, ақ пен қараны тұшымды ажырата алатын нұрлы ақылды да сұрағанымыз жөн.
699 views22:52
2022-12-20 20:47:18
Хафиз Әбдул Ғани әл-Мәқдиси кутуб ситтә рауилеріне арнап “әл-Кәмәл фи әсмә әр-Рижәл” деген еңбек жазады.
Ал ол еңбекке имам Жәмәл әд-Дин әл-Миззи кем-кетігін толықтырып “Тәһзиб әл-Кәмәл” деген еңбек жазады.
Ал ол еңбекті имам ибн Хажар әл-Әсқалани “Тәһзиб әт-тәһзиб” деген еңбегімен толықтырып жазып шықты.
588 views17:47
2022-12-19 15:36:53
Емтиханның түпкі мәнісі – ұстаз шәкіртті сынау емес, шәкірт өз-өзін сынауы.
Қалай оқығандығын, мәселені қалай түсінгендігін, қай жерде қандай кемшілігі бар екенін байқап көру.
Сол себепті дәріс уақыты аяқталып, емтихан уақыты таяған сәттен кітаптардың барлығын да жауып, өзіңізді шынайы бір сынап көріңіз.
Бұл әдет – істерді кейінге қалдырудан арылтып, қазір оқыған мәселені дәл қазір түсініп, миға бекітіп алуға дағдыландырады.
Әйтпесе, кітаптан қазір түсінбей өткен мәселені кейін емтихан уақытында қайталап түсініп аламын ғой деген ой – қазіргі сәтте алыну керек ілімнен тосып қоятыны рас.
936 views12:36
2022-12-18 18:14:24
Шағын насихат:
Ортақ тақырыпты кітаптарды бір жерде, бір уақытта оқымауды кеңес етемін.
Сахих Муслимнің шархы мен Термизи шархын екеуін бірге салыстыра оқып жүргеніме 2-3 айдан аса уақыт болды. Ол екі жинақтың хадис жүйесі, хадис тақырыптары бір-бірінен алыс емес.
Шархтан бірнәрсе еске түссе, ол Термизидің шархында ма еді, әлде Муслимнің шархында келгенін шатаспау үшін екеуін екі бөлек орында, екі бөлек уақытта оқуды жөн көрдім.
Көбіне, кітаптағы ой – сол сәтте отырған орынға немесе сол бір уақытқа байланысып еске түседі.
Ал жоғарыдағы жағдайда шатасудың алдын аламыз.
Бұл барлық саладағы кітаптарға қатысты.
642 views15:14
2022-12-16 01:28:48
Кейде бір түн ұйықтамаған кезде, шейх Әбдул Фаттах әбу Ғудданың (рахимаһулла)көбіне тек күнара ұйықтағандығын еске түсіріп, өзімізді бір ақтап аламыз))
709 views22:28
2022-12-14 19:53:53
«Оқып жатсың, оқып жатсың, түсініп жатсың, бірақ ең қызығы, түсініп жатырмын деп ойлап жатсың. Бірақ, түсініп жатқан жоқсың.
Классикалық мәтіндерді ұстазсыз оқудың зардабы да міне осында. Шайтан сені құдды бір түсініп тұрғаныңдай кейіпке түсіреді».
Шейх Мухаммад әл-Хатиб (хафизаһулла)
1.1K views16:53
2022-12-13 20:13:34
«
Имам әд-Дәрәқутни – хадисте мүміндер әміршісі дәрежесіндегі үлкен сыншыл ғалым. Тіпті ол имам әл-Бұхаридің хадис жинағын аз-маз сынға алғанын білеміз.
Бірақ, ол сахих әл-Бұхаридегі хадистердің мәтінін емес, хумаси-судаси кей тізбектерді сынға алды.
Ал қазіргі кей құдды мұхаддис критиктер сахих жинақтағы хадис мәтініне сын жасауда.
Хәәшәә Лиллә».
Шейх Мужир әл-Хатиб (хафизаһулла)
830 views17:13
Х
