2021-10-11 08:54:38
Ол мазалы нәрселерди жеўден өзин тутып тура алмайтуғын еди. Өз нәпсине күши жетпегенликтен, ҳәмийше қалтасына қандай да бир конфета ямаса шоколад салып жүрер, азанда да, түсте де, кеште де оларды жей беретуғын еди. Ҳәттеки, гейде ярым ақшамда оянып алып, бир-еки печенье ямаса конфета жеп, соңынан және уйқылар еди.
Барған сайын бул спортшының талабы оңынан келмей баслады. Жарысларда да әўмет оннан жүз бурды, денсаўлығы, күш-қуўаты да бурынғыдай емес.
Дэниэл Аменниң атап өтиўинше, мазалы нәрселер инсанның мийине тап наркотик сыяқлы тәсир етеди екен. Оларға да организм үйренип қалса, және талап ете береди. Мазалы нәрсени көп жеўдиң ақыбетинде болса, қандағы қант муғдары көтериледи, оны жемеген ўақытта бирден түсип кетеди. Буның ақыбетинде инсан өзинде ҳәлсизлик ҳәм тынышсызланыўды сезеди. Сондай-ақ, мазалы затларды ҳәдден тыс көп тутыныў инсандағы когнитивлик функциялар (мий менен байланыслы процесслер: еслеў, итибар қаратыў, теңсалмақлылықты сақлаў, сөйлеў, алған билимлерин әмелиятқа енгизиў қәбилети, есап-санақ жүргизиў, болжаў, режелестириў, қадағалаў ҳәм т.б. қәбилетлери) дың бузылыўына алып келеди. Нәтийжеде оның мийнет етиў қәбилети төменлейди.
Соның менен бирге, көп мазалы нәрсе жеў денеде исиниў процесслерин келтирип шығарады, буўынлардың аўырыўына себеп болады. Ширели өнимлерди жақсы көретуғын спортшыларда дене жарақатларынан соң саўалыў процеси де созылып кететуғынлығы анықланған. Итибар берген болсаңыз, бас аўырыўы, түскин кейпият ҳәм дене салмағының артыўы да мазалы нәрсени көп жеў менен тиккелей байланыслы.
Қулласы, сол спортшы Дэниэл Аменниң көригинен өтиўге келипти. Шыпакер оған, бәринен бурын, мийин дурыс азықландырыўы кереклигин мәсләҳәт берипти. Егер мазалы, ширели өнимлерди жеўден нәпсин тыя алыўды үйренсе, ҳәммеси жақсы болып кетиўин айтыпты.
Ҳәр ким өз мийине не нәрсе, қандай витамин кереклигин билиўи тийис. Бул бағдарда ең дәслеп аўқатланыў менен байланыслы 5 ҳақыйқатты түсинип алыў керек.
@densawliq24
250 views05:54