2021-10-13 19:04:46
09 қазан күні мектебімізде биылғы жаңа оқу жылында өз жұмысын бастаған "65 TALKS" зияткерлік жобасының кезекті шарасы өтті.
Оқушылардың бойында ораторлық қасиеттерді дамытуға, үш тілде сөйлеумен қатар, сахна мәдениетін қалыптастыруға, айтуға тұрарлық тың идеялар мен өзекті мәселелерді қозғап, оның шешу жолдарын ұсынуға бағытталған аталмыш жобаға әр аптада әр сынып оқушылары қатысып, ой бөлісіп отырады.
“Ересектер мен жасөспірімдердің қарым-қатынасы" тақырыбында ой толғаған бұл күнгі спикерлеріміз 10 “Б” сынып оқушылары:
Қалдыбекова Сағыныш - қазақ тілінде;
Көмек Тоғжан - орыс тілінде;
Тіленші Әдия - ағылшын тілдерінде тақырыпты тарқатты.
Жасөспірімдердің жанына жақын актуалды тақырыптың аясында өрбіген ой-толғаулар, көтерілген мәселелерге байланысты “келісемін” мен “қарсымын” деген жеке пікірлер айтылып, спикерлер мен көрермендер арасында жақсы диалог орын алды.
Әр жұмада дәстүрлі түрде өтетін “65TALKS” зияткерлік жобасына белсенді қатысуға шақырамыз! Жіберіп алмаңыз! Көрермендер қатарынан не сахна төрінен сізді күтеміз!
1.7K views16:04