2021-12-10 10:17:39
03.12.2021жыл мектебімізде «65 TALKS» зияткерлік жобасының кезекті жиыны өтті. Жобаға келесі сынып оқушылары қатысып, тамаша сөз өнері мен қазақ, орыс және ағылшын тілдерінде еркін сөйлеу дағдыларын көрсете білді:
1. 10 «Ғ» сынып оқушысы Ережеп Мұхаммедали - қазақ тілінде;
2. 10 «Е» сынып оқушысы Саулебек Жанель - орыс тілінде;
3. 10 «В» сынып оқушысы Тасболатова Аружан - ағылшын тілінде «Әлеуметтік
желілердің артықшылығы және кемшіліктері» тақырыбында ой қозғаған бүгінгі спикерлеріміз сахна төрінде өздерін еркін ұстап, көпшілік алдында әдемі сөз қозғап, мәселенің маңыздылығы мен актуалдылығын көрсетіп, тақырыпты аша білді.
Әр аптаның жұма күні өтетін «65 TALKS» зияткерлік жобасының негізгі мақсаты – оқушылардың ғылыми-зерттеу дағдыларын дамыту, шешендік өнер мен көпшілік алдында сөйлеу мәдениеті мен үш тілде еркін сөйлеу дағдыларын қалыптастыру, сахна мәдениеті мен критикалық ойлау дағдыларын дамыту. Аталмыш жобаға, айтуға және бөлісуге тұрарлық идеяларымен бөлісу мақсатында әр аптада әр сынып оқушылары қатысып ой толғайды, пікір алмасады.
2021 жылдың қазан айынан бастау алған бұл жоба «65 TALKS» деген атпен өз жұмысын бастаған болатын. Жоба директордың тәрбие ісі жөніндегі орынбасары Д.Утебаеваның және жобаға жауапты координаторлар қазақ тілі мен әдебиеті пәнінің мұғалімі А.Абдильдаева, орыс тілі мен әдебиеті пәнінің мұғалімі Ж.Спанова және ағылшын тілі пәнінің мұғалімі Ш.Сеитованың жетекшілігімен өтіп отырады.
Оқушылар арасында жиі қолданысқа енген «Әлеуметтік желі әдебі» туралы бүгінгі ой қозғау өте қызықты өтті, әрі пайдалы болды. Көрермендер арасынан әлеуметтік желінің пайдалы тұстары жайлы ой бөліскендер де, сонымен қатар, әлеуметтік желілердің тек уақытты бос өткізу екендігі туралы пікірлер де айтылды.
Жобада жоғары дайындық деңгейін көрсеткен спикерлеріміз аталмыш тақырыпта тек қана ой қозғап қана қоймай, әлеуметтік желіде алтын уақытымызды жоғалтып алмай, үнемді пайдалануымыз керектігін және ол үшін не істеу керек екендігі жайлы бағалы кеңестерімен бөлісті.
175 views07:17
Ы
