2022-02-10 05:41:11
4 ақпан күні оқу ордамызда “65 TALKS” зияткерлік жобасының кезекті шарасы өтті.
Оқушылардың бойындағы ораторлық қасиеттерді дамытуға, үш тілде еркін сөйлеумен қатар, сахна мәдениетін қалыптастыруға, айтуға тұрарлық тың идеялар мен өзекті мәселелерді қозғап, оның шешу жолдарын ұсынуға бағытталған аталмыш жобаға әр сынып оқушылары қатысып, ой бөлісіп отырады.
“Қанатты сөздердің ішкі мән-мағынасы” тақырыбында ой толғаған 9 “Г” сынып оқушылары:
Үшкемпір Асылхан - қазақ тілінде
Идаят Амира - орыс тілінде
Мұсырманқұл Назым - ағылшын тілінде өз ойларымен бөлісті.
Жобаның бұл отырысында аталған тақырып бойынша оқушылар қанатты сөздердің мағынасын ашып,түсіндіруге тырысты. Қанатты сөздер негізінен, тұжырымды ой, әуезді ұйқасқа құрылған өрнекті сөз тіркестері, яғни қарапайым тілде қарастырсақ, кішкене болып келетін үлкен мағыналы сөздердің мақсаты мен өмірімізге әсер ету жақтарын қарастырып шықты.
Әр жұмада дәстүрлі түрде өтетін “65 TALKS” зияткерлік жобасының бұл күнгі жиынында, әдеттегідей, көрермен арасында қызу талқыға түсіп, көрермен мен спикерлердің арасында жақсы байланыс орын алды.
112 views02:41