2022-04-22 15:24:05
«65 TALKS» ЗИЯТКЕРЛІК ЖОБАСЫНЫҢ КЕЗЕКТІ ШАРАСЫ ӨТТІ
Оқушылардың бойында ораторлық қасиеттерді дамытуға, үш тілде еркін сөйлеумен қатар, сахна мәдениетін қалыптастыруға, таратуға тұрарлық тың идеялар мен өзекті мәселелерді қозғап, оның шешу жолдарын ұсынуға бағытталған аталмыш жобаға әр аптаның жұмасында жоғары сынып оқушылары қатысып, ой бөлісіп отырады.
«Хобби, шығармашылық клубтар» тақырыбында сахна төрінен табылған бүгінгі спикерлер 10 «В» сыныбының оқушылары:
1. Қазақ Абай - қазақ тілінде;
2. Қайырғали Іңкәр - орыс тілінде;
3. Дәрібаева Ақназия - ағылшын тілдерінде ”Әр адамның шабыт берер әлемі ” атты тақырыбында ой қозғап, көрермендердің де пікірін тыңдап, мектеп әкімшілігіне және өзін-өзі басқару ұйымының белсенділеріне оқушыларға арналған қосымша клубтарды ашуда өз ұсыныстарын білдірді.
Оқушылар үшін қызықты әрі маңызды болып табылатын бүгінгі тақырып кеңінен талқыға түсіп, оқушылардың өздері сүйіп жасайтын іс-әрекетке байланысты көзқарастарын айтты, жалпы үш спикердің ой қозғаған тақырыбына сәйкес адам өмірінде хоббидың алатын орны ерекше екенін айқындады.
Қазақ тілінде, Қазақ Абай әр адамның өзінің сүйіп жасайтын, шабыт беретін іс-әрекеті болатыны жайлы сөз қозғап, өзінің хоббиі жайлы қысқаша видео түсіріп, көрермен назарын аталмыш тақырыпқа бірден аудара білді.
Орыс тілінде сөз сөйлеген Қайырғали Іңкәр,”Мой вдохновляющий мир” атты сөзінде адамға жақсы көңіл-күй сыйлайтын әрекет хобби екенін айтты, тіптен тарихта осы хоббиімен айналысқан адамдар керемет жаңа ашулардың бастамасы болғаны туралы атап айтты. Сүйіп жасайтын әрекет адамды күнделікті шаршататын жұмыстан, стресстен қорғайтыны анық. Іңкәр, өз кезегінде, адамның өмір жолында сүйікті әрекет өзгеріп тұруы қалыпты жағдай деді, тек адам осы шабыттандыратын әрекетті іздеуден, жаңа нәрсені көруден шаршамаса болды. Спикер өз сөзін өзінің хоббиі болып табылатын танымал “Хип-хоп” биін билеуден бастап, көрерменге көтеріңкі көңіл сыйлады.
Ағылшын тілінде тың идеяларымен бөліскен Дәрібай Ақназия хобби біздің өмірімізге мән береді, сүйікті іс-әрекетпен айналысқан адамның өмірі керемет бояулармен толығатындығын көрсетті. Жалпы спикерлердің 8, 9, 10 сынып оқушылары арасында жүргізген сауалнамасына сүйенер болсақ, оқушылардың басым көпшілігі хобби ретінде спортпен шұғылдануды қалайды, ал екінші орында олар шығармашылық тақырыптардағы қосымша сабақтарға және тіл үйрену клубтарына баруды қалайды екен.
Әр жұмада TEDх форматында өтетін мектепішілік «65 TALKS» жобамызға таратуға тұрарлық идеялары бар мектебіміздің жарқын жастарын қатысуға шақырамыз!
90 views12:24
Ы
