Zamanayi Qazaqstan

2021-04-26 17:49:16 QazVac вакцинасы қазақстандықтарға қашан жаппай салына бастайды?

Отандық «QazVac» вакцинасы «Спутник V» секілді ең алдымен тәуекел топтарында жұмыс істеп жүрген азаматтарға салынады. Бұл туралы ҚР ДСМ Қоғамдық денсаулық сақтау ұлттық орталығының «Саниятариялық-эпидемиологиялық сараптама және мониторинг ғылыми- практикалық орталығы» филиалы директорының орынбасары Манар Смағүл ОКҚ-да өткен брифингте айтты.

«Вакцина санының шектеулі болуына байланысты QazVac вакцинасы ең алдымен коронавирус инфекциясымен күресуде алдыңғы шепте жүрген мамандарға салынады. Олардың қатарында медицина қызметкерлері, педагогтар және полицейлер бар. Егер де вакцинаға қолжетімділік басым болып жатса, өзге де азаматтардың QazVac-ты қабылдауларына мүмкіндіктері болады», - деді Манар Смағүл.

Өз кезегінде Қоғамдық денсаулық сақтау ұлттық орталығының басқарма төрағасының орынбасары Айнагүл Қуатбаева азаматтарға отандық вакцинаны салу бойынша тыңғылықты дайындықтар атқарылып жатқанын хабарлады.

«Елімізде шығарылып жатқан QazVac вакцинасы қазір өңірлерге жіберіліп жатыр. Бұған дейін 26 сәуірден бастап қазақстандықтарға QazVac вакцинасын салына бастайтындығы жөнінде айтылды. Қазір бұл бағытта мамандарды дайындап жатырмыз. Осыған байланысты бүгін ұлттық деңгейде вебинар-семинарын ұйымдастырудамыз», - деді Айнагүл Қуатбаева. 

Сондай-ақ, қоғам арасында вакцинаның күші мен адам ағзасында қалыптасатын антиденелерге қатысты туындап жатқан түрлі сұрақтарға мамандар жауап қатты.

«Вакцина басқа ауруларды қоздырмайды. Өйткені бұл тірі вакцина емес. Антиденелер вакцинаның екінші дозасын қабылдағаннан кейін 35-45 күннен кейін ғана қалыптаса бастайды. Жалпы антиденелердің түзілуі әркімде әрқалай болуы мүмкін. Мәселен алкогольдік ішімдік ішкен адамның бойында бұл процесс өте баяу болады. Сондай-ақ иммунитеті төмен адамдарда да антидененің қалыптасуы ұзаққа созуылуы мүмкін. Бұдан бөлек әлемдегі 10 пайыз адамдардың ағзасында ешбір вакцинаның антиденесі түзілмейтінін айта кеткен жөн», - деді Ұлттық фтизиопульмонология ғылыми орталығы директорының клиникалық және ғылыми жұмыстар жөніндегі орынбасары Ләззат Ералиева. Ашу / Түсініктеме

2021-04-21 17:54:08 Ауыл шаруашылығы министрлігі Қазақстандағы мереке күндерінің тізбесіне толықтырулар енгізу жөніндегі қаулы жобасын дайындады. Құжат 2021 жылғы 5 мамырға дейін  «Ашық НҚА» порталында қоғамдық талқылауға шығарылды.

Қалай ойлайсыз, Қазақстанға тағы қандай күндерді атап өту керек? Ашу / Түсініктеме

2021-04-21 17:44:53 Синоптиктердің айтуынша, алдағы үш кеүнде ауа температурасы күрт төмендейді. Кейбір аймақтарда қар жауады деп күтіледі.

"Республиканың басым бөлігінде тұрақсыз ауа райы күтіледі, кей жерлерде жаңбыр жауады. 19 сәуірде солтүстік және орталық аймақтарда жаңбыр қарға айналады, ауа температурасы түнде 5-12 аязға дейін төмендейді.

Сондай-ақ, қар жауады деп күтіледі. Республика бойынша кей жерлерде тұман түсіп, жел күшейеді, оңтүстік жартысында найзағай болады", - дейді синоптиктер. Ашу / Түсініктеме

2021-04-14 07:41:15 ​​Қазақстанда кедейлер саны өскен

Қазақстанда кедей, табысы ең төменгі күнкөріс деңгейінен төмен тұрғындар саны 20 пайызға өсті. бай адамдар санының өсуі бойынша топ-10 елдің қатарына кіріп үлгерді.

2020 жылдың төртінші тоқсанында табысы ең төменгі күнкөріс деңгейінен төмен отбасылардың саны жыл ішінде 12 пайызға, 140,6 мыңға дейін өсті. Мұндай шаңырақтарда 858,5 мың адам тұрды, бұл өткен жылмен салыстырғанда 20,1 пайызға артық.

Бір жыл бұрын елде төмен кірісі бар 125,5 мың үй болған (жылына 10,2 пайыз). Соңғы жылдары пессимистік көрсеткіш өсуде, дейді сарапшылар.

Бұл ретте елдегі ең кедей отбасылардың ішінде 4600-нің (жылына 49,5 пайызды қосқанда) кірісі азық-түлік себетінің құнынан да төмен. Мұндай үй шаруашылығында 28 мыңнан астам адам тұрады (бірден жылына 84,2 пайыз).

Табысы ең төменгі күнкөріс деңгейінен төмен отбасылардың көпшілігі Түркістан облысында тұрады - 19,9 пайыз немесе 27,9 мың үй шаруашылығы. Осыған қарамастан, бір жыл ішінде аймақта мұндай отбасылардың саны 12,2 пайызға азайды.Кедейлік шегінен төмен өмір сүретін халықтың ең көп үлесі де осы жерде тіркелді - 10,3 пайыз. Ал орташа республикалық көрсеткіш 4,6 пайызды құрады (бір жыл бұрын - 3,8). Ашу / Түсініктеме

2021-04-12 06:10:26 ​​ Байқоңыр қаласы әкімшілігінің басшысы Константин Бусыгин Байқоңыр ғарыш айлағын жалға алу кем дегенде 2100 жылға дейін ұзартылады деп есептейді.
⠀
«Мен 2050 жылы Ресей ғарыш айлағын жалға алуды одан әрі ұзартатынына сенімдімін. Ғарышы жоқ қалада ештеңе жоқ. Ол Ғарыш үшін және ғарыштың арқасында өмір сүреді. Біздің қалада зауыттар да, фабрика да жоқ, ештеңе жоқ. Ғарыштық ұшырулар тоқтатылған жағдайда жарықты сөндіріп, үлкен жерге (Ресейге) кетуге болады», - деді ол РИА Новостиге берген сұхбатында.
⠀
«Бірақ бұл ешқашан болмайды, Ресей Байқоңырдан ешқашан кетпейді деп сенемін, өйткені бұл біздің тарихымыз. Барлық космонавтика осы жерден басталды: бірінші спутник, бірінші адам. Біз ғарышта бірінші болып осында жасадық. Жалпы, мен Байқоңырды әлемдік космонавтика астанасы деп атауды ұсынамын», - деді ол.
⠀
Байқоңыр - әлемдегі тұңғыш ғарыш айлағы. 1957 жылы алғашқы құрлықаралық баллистикалық зымыран Р-7 ұшырылып, алғашқы жасанды Жер серігі ұшырылды, ал 1961 жылы – алғашқы ғарышкер Юрий Гагарин болды. 1994 жылдан бастап Ресей Қазақстаннан 2050 жылға дейін жалға алады. Ғарыш айлағын жалға алу құны жылына 115 млн. АҚШ доллары. Ашу / Түсініктеме