2021-06-12 04:00:22
Мектеп бітірген талапкерлердің басым дені елордадағы Еуразия ұлттық университетіне түсуді армандайтынын білеміз. Біраз күннен соң құжат қабылдау басталады. Сәттілік тілеймін! Ниеттеріңе жетіңдер! Болашақ студенттер мен ата-аналар үшін барынша пайдалы ақпаратпен бөлісейін.
Британдық Quacquarelli Symonds компаниясы жыл сайын әлемдегі университеттер арасында зерттеу жүргізіп, үздіктердің үздігін анықтайды. Биыл сарапшылар әлемнің 97 елінен 1,3 мың жоғары оқу орнын зерттеді. Сол беделді рейтингте ЕҰУ екі жыл ішінде 90 позицияға көтеріліп, 328 орынға ие болды. Бұл - керемет көрсеткіш!
Британдық сарапшылардың зерттеулеріне сәйкес, Л.Н. Гумилев атындағы Еуразия ұлттық университеті «Академиялық сарапшылар арасындағы бедел», «Жұмыс берушілер арасындағы бедел», «Білім алушылардың оқытушылармен арақатынасы», «Шетелдік білім алушылар» сияқты өлшемшарттар бойынша нәтижелерді айтарлықтай жақсартқан екен.
Көшбасшылар үштігінде американдық және британдық университеттер тұр. Олар: Массачусетс технологиялық институты, одан кейін Оксфорд университеті, ал үшінші орынды Стэнфорд пен Кембридж университеттері бөлісіпті. Ал бесінші орында - Гарвард білім ордасы.
Беделді әлемдік рейтингте Еуразия ұлттық университетінен кейін Джордж Вашингтон университеті (АҚШ), Тэйлорс университеті (Малайзия), Хиросима университеті (Жапония), Мәскеу мемлекеттік халықаралық қатынастар институты (Ресей) және т.б. жоғары оқу орындары тұр. Бұл арқылы ЕҰУ қысқа мерзім ішінде қаншалықты өскенін байқатады.
1.6K views01:00