2022-07-18 17:34:26
САМИДОЛЛА ҚАЙДА КЕТТІ?
1988 жыл. Одақ тәлтіректеп әрең тұр. Үкімет дымға үлгере алмағасын, "арендалық-мердігерлік әдіс" дегенді шығарды. Ол бойынша жекеменшік фирма ашып, үкіметтің жұмысын жасауға болады. Жер жерде кооперативтер қаулап ашыла бастады.
Хромтаудың ауылдарының біріне клуб салуға мердігер болған біреу, Самидолла деген камазисті жалдайды. Жұмысы: айдаладағы жұмысшыларға екі апта сайын тамақ, темекі, газеттер, құрылыс материалдарын апарып тұру. Тап-тұйнақтай Самидоллаға сенімі арта береді. Бірде оның, бірде мұның уақ-түйек ақшасын беріп жіберуді шығарады. Сөйтіп бір күні, клубтың жарағына бар, жұмысшылардың үш айлық жалақысы бар - 150 мың совиет сомын беріп жібереді. Кейін өзі де айтады, "беріп жатқанда тіпті күдік болған жоқ, тіпті оқиға басталғанда да сенбей жүрдім" деп.
Әлқисса, сөйтіп адам айтса нанғысыз соманы камазиске ұстата салады. Самидолла ақшаны әдеттегі жайдары күйі қабылдап алып, тіпті кешке: "таңмен жолға шығам бұйырса" деп, телефон соққан.
Арада екі апта өткенде директорға жұмысшылардың бірі келіп, жағасынан алады. Жолай әрнеге бір жармасып жүріп, қалаға әрең жеткен екен.
- Бізді қоңыз жеп жатыр дейсің бе? Тамақ қайда? Ақша қайда?
Директор әлдеқашан жібергенін айтады.
- Мәссаған! - дейді жұмысшы, - тұра тұр! Мәссаған, масқара болған сияқтымыз!
- Неменеге? - дейді директор.
- Келе жатқанда далада өртеніп күлі қалған КамАз көрдім! Әйтеуір бірдеңе маза бермеп еді, қасынан өткенде! Масқара!
Директор дереу милицияға, таныстарына хабарласып, жолға қамданды. Машинаға мен де міне беріп едім:
- Жазылушылар саны 900 мыңнан асатын адамдарды ғана аламыз. Ендеше сен ешқашан мінбейсің! - деп бақырды...
138 viewsYerlan Ospan, 14:34