2021-07-17 17:39:43
ЕГОВ-қа қатысты сұрақтарға жауаптарым.
1) Егов қай уақытта еш ақаусыз жұмыс жасайды.
— Кешкі уақыттарда. Бірақ күндіз де жақсы істеп тұр:)
2) Көпбалалыға қандай құжаттар қажет?
— Үйдегі балалардың туу туралы куәлігінің суреттер, ата-ананың жеке куәлігі (екі бетінде түсіресіз), анаңыздың көпбалалы екенін растайтын ЦОН-нан алынған справка. Осының барлығын кезекпен, бір файлға енгізесіз. Файл көлемі 5 мгб аспау керек. Сол үшін @office2pdf_bot пайдалаңыз.
3) Бірінші берген өтініште қателік кетті, екінші рет бере аламын ба?
— Ия, ең соңғы жіберілген мәлімет конкурсқа енеді.
4) Арнайы емтихан дегенге не деп белгілейміз?
— "Ия" деген жауапты басасыз.
5) 4 таңдау кезінде Серпін, ауылдық квота қалай жазамыз?
— Олар конкурс кезінде автоматты түрде қосылады.
6) Алтын белгі, дипломдар грант жеңуге көмектесе ме?
— Бұл жолмен грантты 100% ала алмайсыз, тек сізбен сол мамандыққа конкуренцияда тұрған түсушілерден басымырақ боласыз.
7) Қабылдау комиссияға өз қалам шықпады. Не істеймін?
— Сайтта қалай шықты, соны басасыз. Сіздердің өтініштеріңізді сол комиссия тексеретін болады.
8) "Сұраныс өңделуде" деген соңғы шаг шықты. Сонымен бітті ме?
— Ия, енді жауабын күтесіз. Жеке кабинеттен қарай аласыз.
9) Жауабы қашан шығады?
— Тамыз айында
10) Қанша адам қайда тапсырып жатқанының статистикасын қайдан көрсек болады?
— Ешқайдан. Грант конкурсының нәтижелері тамыз айының ортасында шығады, сол кезде кімнің қайда түскенін көресіз.
11) Бір мамандықты екі университетке жазсам бола ма?
— Өз еркіңіз. Бірақ, мейлінше олай таңдау жасамау керек.
12) Шығармашылық едім. Таңдау қалай болмақ?
— 1 мамандық, 1 универсиет
13) Ата-ана арқылы өтініш қалай беремін?
— Бірреттік пароль дегенді басып, әкеңіздің немесе анаңыздың ИИН-ын және тіркелген номерін жазасыз. Сол номерге 5 цифрлы код келеді. Соны жазып, деректерді толтырасыз.
14) 4 универдің 4-еуінің де грантын жеңу мүмкін бе?
— Жоқ
15) Дипломдар тек халықаралықтан алынған жарай ма?
— Ия, халықаралық олимпиада, конкурс жеңімпазы болсаңыз, қоса аласыз.
16) Бір университетке 2 немесе 4 мамандық жазсам бола ма?
— Егер сіз таңдаған мамандықтар сол университетте оқытылса, онда жазсаңыз болады.
_____________________________________17) Грант конкурсында грант жеңе алмасам, қалай грантқа түсуге болады?
— Әр қаланың әкімнің атынан өткізілетін грант конкурсы болады. Бұл үшін университеттердің парақшаларын бақылап жүріңіз. Өтініш беру басталғанда, документ тапсырып үлгеріңіз.
18) Грантқа түспесем, gap year алғаным дұрыс па?
— Әрине, дұрыс. Бастысы, уақытты өзіңізге пайдалы етіп өткізіңіз. Дайындалыңыз, демалыңыз.
19) Грант жеңбесем, колледжге кеткенім дұрыс па?
— Колледж де оқу орны, әрине, дұрыс. Колледждерге грант көп бөлінген, оған оқуға түсіп, стипендия алып, бітіріп, одан соң қаласаңыз университетке түсе аласыз.
20) Грант жеңбесем, шет елге оқуға кеткенім дұрыс па?
— Ия
21) Грант жеңбесем, ақылыға түссем, кейін грантқа іліне алам ба?
— Университетке ақылыға түсіп, 1 семестрды немесе курсты А+'ке аяқтап, белсенді студент болсаңыз, 2 семестр немесе курс басталғанда, гранттан құлаған студенттің орнына іліге аласыз.
16 views14:39
S
