2022-05-11 07:11:28
Адам тағдыры…
Адамның тағдырына 3 нәрсе әсер етеді.
Біріншісі - тегі. Қазақ айтады: “жақсыдан жаман туса да, жаманнан жақсы туса да - тартпай қоймас негізге”.
Екіншісі, отбасындағы тәрбиесі. Қазақ “ұядан не көрсең, ұшқанда соны ілерсің”-, дейді.
Үшіншісі, сенің ортаң. Қазақ: “досыңның кім екенін айт, сенің кім екеніңді айтайын” -, дейді.
Бұны ДЕТЕРМЕНИЗМ дейді, яғни заңдылық.
Бірақ менің бақылауымша, осы үшеуінің ішіндегі адам тағдырына, қалай қалыптасатынына әсер ететін ең маңыздысы - ортасы. Себебі, тегіңді таңдап ала алмайсың, ал отбасындағы алатын тәрбиеңе сенің әсерің жоқ. Ал адам ортасын таңдай алады. Мысалы, Түркияның қазағы басқа, Германиядағы қазақ басқа, тіпті Солтүстік Қазақстанның және Оңтүстіктің қазақтары бір-біріне ұқсамайды. Ұры ортаға түсетін адам, ұры болуға мүмкіндігі үлкен, темекі, арақ ішетін ортаға түскен адамның солар сияқты болуға мүмкіндігі үлкен.
Сол сияқты, еңбек сүйгіш, адал ортаға қосылған адам еңбекқор, адал болатыны сөзсіз. Адамды жасайтын - орта.
Ахметбек Нұрсила
490 views04:11