2022-06-07 09:23:10
#денсоолук
Сиз түнү бою тестке даярданып же башка себептер айынан жакшы уктабасаңыз, сабак учурунда же иш учурунда сергек болуу канчалык кыйын экенин билериңиз анык.
Мындай учурда мугалимдин сүйлөгөнү, же иштесеңиз башка жумушчуладын сөзү бешик ыры же тажатмадай угулуп, уйкуңуду ого бетер курчутушу мүмкүн. Мындай да сиз сергек болууну каалашыңыз анык. Сергек болуп, уйкусурап жүрбөө үчүн эмне кылуу керек?
Класстын алдыңкы жагына отуруңуз. Мугалимдин алдында экениңизди билсеңиз, сергек болуу сизге жеңил болот. Мындан сырткары сабактын башында орун тандоо менен сабакка активдүү катыша аласыз. Мындан тышкары, сиздин жаныңызда адамдар болот, алар да талкууга активдүү катышышат. Алардын үнү сени сергек кармап турат
Талкууга катышыңыз. Суроо бериңиз жана аларга жооп бериңиз. Сүйлөөчүнү кунт коюп угуңуз. Эгерде лекция кызыксыз болсо, суроолор анын маңызын түшүнүүгө жардам берет. Демек суроолорду берүү сизди сергек кармап, уктап калуу ыктымалдыгын азайтат.
Сабак учурунда жок дегенде үч суроо берүү же жооп берүү максатын кой. Мугалимдин кыжырын келтирбөө үчүн талкуу темасына байланыштуу суроолорду бериңиз. Мисалы, сиз: “Мен теманын акыркы бөлүгүн түшүнгөн жокмун. Бул тууралуу кененирээк айтып бере аласызбы?"
Мугалимди жигердүү угууну үйрөнүү үчүн аны менен көз байланышын түзүү жана сактоо, анын сөздөрүнө толук көңүл буруу, мугалимдин эмне айтып жатканын элестетүү, керектүү учурда суроолорду берүү, сөздөргө, жаңсоолорго же үн тонуна жооп берүү керек.
Классташтар же кесиптештер менен баарлашуу. Топтук талкуулар – көңүлдү көтөрүү жана сергек болуу үчүн эң сонун мүмкүнчүлүк. Талкууга активдүү катышып, өз пикириңизди билдириңиз. Талкууга активдүү катышкан адамдардын жанына отуруңуз. Бул ошондой эле сиздин да талкууга активдүү катышууңузга мүмкүндүк берет.
Кандайдыр жазууларды жасаңыз. Бул мугалимдин сөзүнөн алаксыбай, сабакка кунт коюунун эң сонун жолу. Мугалимди кунт коюп угуп, деталдуу жазып алыңыз. Маанилүү ойлорду баса белгилөө же материалды иретке келтирүү үчүн ар кандай түстөгү фалайтерлерди же калемдерди колдоно аласыз.
Кээ бир адамдар маалыматты кабыл алуунун визуалдык ыкмасына жакын. Эгер маалыматты ушундай жол менен кабыл алуу оңой болсо, анда кичинекей эскиздерди түзүңүз. Карталарды, схемаларды тартыңыз, эскиздерди түзүңүз. Бул окуу процессиндеги маанилүү пункттар.
Сабактан мурун, эгер уктай баштасаңыз, досуңуздан ойготуусун сураныңыз. Кимдир бирөө сени карап жатканын билсең, уктап калсаң ойготсо сергек болуу оңой болот.
Сабактын алдында кофе же кофеин бар суусундук ичиңиз. Бул, өзгөчө, эгер сиз узак жана кызыксыз лекция окуп жатсаңыз, пайдалуу. Мүмкүн болсо үйдө кофе кайнатып, окууга же ишке термос алып барыңыз. Кофеиндүү суусундук бат эле энергия алууга жардам берет.
Муздак суу ичиңиз. Мектепке бир бөтөлкө муздак суу алып барыңыз. Сиз суусуздануунун алдын алып гана тим болбостон, муздак суу ичкенде дагы энергия аласыз. Сууну жетиштүү ичүү менен сиз өзүңүздү шайыр сезип, жагымсыз чарчоодон алыс болосуз.
Энергияңыздын деңгээлин көтөрүү үчүн жей турган тамактарды алып келиңиз. Тамак-аштар сизге керектүү энергияны берет жана ойлоруңуз жөн эле чарчаганыңызга айланып калбайт.
Мектепте сергек болуу үчүн күнү бою кофеин бар суусундуктарды көп ичүүдөн алыс болуңуз. Кофеинди кабыл алууда жүрөгүңүздүн кагышы күчөгөнүн сезсеңиз, аны диетаңыздан чыгарып салыңыз.
Ар түнү жок дегенде 8 саат уктаңыз. Жакшы уйку - бул күнү бою энергиянын ачкычы. Көпчүлүк үчүн 8 сааттык уйку алардын мектепте, иште сергек болушу үчүн жетиштүү. Бирок, денеңиздин муктаждыктарын эске алыңыз. Ар бир түнү бир убакта уктаңыз. Денеңиз уйку-ойгонуу режимине көнүп калат.
Жатар алдында денеңизге эс алууга мүмкүнчүлүк бериңиз. Телефонду жана бардык үй жумуштарын, ошондой эле стресске алып келген башка нерселерди таштаңыз.
Үзгүлтүксүз көнүгүү жана туура тамактануу менен бирге сапаттуу түнкү эс алуу сизди күнү бою энергиялуу сезүүгө жардам берет
84 viewsAkmöör , 06:23
Ж
