2021-02-08 06:24:49
Алдағы 10 жылда Илон Маск төмендегідей жетістіктерге жетуді мақсат тұтуда:
1. Starlink жобасы аясында әлем тегін интернетпен қамтамасыз етіледі.
2. Айға турист ретінде бару қалыпты жағдайға айналады.
3. Космосқа турист ретінде ұшу бағасы адамзат үшін ұшақ билетімен бірдей болады.
4. Марсқа алғашқы адамдардың қоныстануы басталады. Түбінде 1 млн адамзат баласы Марста өмір сүреді.
5. Жасанды интеллект арқылы роботтардың адам өміріндегі ролі артады. Көп жұмыстарды роботтар атқарады.
6. Онмыңдаған километр қашықтыққа арнайы жасалған туннелдер арқылы 2-3 сағатта жету мүмкін болады. Осы арқылы адамзат баласының Европада тұрып, АҚШ-та жұмыс істеуі қалыпты жағдай болады.
7. Тесла көлігі жанармаймен жұмыс істейтін көз үйренген көліктерді ауыстырады. Бұл процесті жеңілдету үшін Тесланың барлық инженерлік құпиялары инетте әлемге ашық. Кез келген адам оқып, танысып, жетілдіре алады. (Осыны оқып шыққан қазақ баласы бар ма?)
8. Күн энергиясын алу жолдары жетілдіріліп, әлем қуатты алудың экологиялық таза жолына көшеді.
Гуглдің құрушысы Ларри Пейдж "Егер гуглды қайта құру мен байлығымды Илон Маскқа беру таңдауы тұрса, бар байлығымды Маскқа берер едім. Бұл адам Марсқа кетіп адамзат баласының өмірін өзгертеді" деген екен. Әрине қарапайым біз секілді жандар мұндай ойларды түсінбейміз. Бірақ генийлер сол үшін де гений.
Масктың ойынша адамзат баласының тек қана жер планетасында өмір сүруі қауіпті. Міндетті түрде адам ұрпағы сақталуы үшін екінші бір планетада да адам баласы өмір сүруі керек. Себебі бір заманда жер планетасында катастрофа орын алып, бәрі жойылуы мүмкін. Сол үшін де Марсты альтернатива ретінде игеруіміз керек дейді.
Сіз бұл оймен келісесіз бе?..
39 views03:24