2022-06-30 16:13:00
#Он_айлық_хызметкер
Тазадан шөлкемлестирилген мәкемеге мени баслық етип тайынлады. Маған дейин шөлкемлестириу комиссиясының баслығы хәмме хызметкерлерди жумысқа қабыллап, орны-орнына қойып кеткен екен. Мен енди тек олар менен тил табысып, бирге ислесиуим керек.
Лекин, сол бирге ислесиу аңсат болмады. Жумысқа алынған хызметкерлердиң иске уқыбы хәм билим дәрежеси "мен не деймен, қобызым не дейди" деген аухалда еди. Әсиресе, Санысызбай деген жетекши қәниге улыума имлаға келмеди. Ақыры, жеке өзин шақырып айттым.
— Иним, өз арзаң менен қоясаң ба, яки...
— Өз арзам менен, —деди ол гәпимниң изин айттырмай.
Мен алдына бир бет қағаз бенен ручка қойдым.
— Хәзир емес, —деди ол қағазды кейин ысырып.
—Хе, неге хәзир емес?
—Он айдан кейин, —деп ол орнынан турды.
—Тоқта! Неге он айдан кейин? Мен он айға дейин күтип жүре алмайман! —дедим ашыуға минип.
— Жүре алмасаңыз—бир айлық хызметкерлер бар, үш айлық хызметкерлер бар, солардың арзасын ала бериң. Мен он айға дейин төлеп қойыппан.
Ол усыны айтты да, кабинетти тәрк етти.
@keleshek_kr
441 views13:13