2022-04-23 18:20:44
Барлықтарыңызға сәлем!
Қазақта “бұлақ көрсең, көзін аш” деген даналы сөз бар!
Сол үшін қазақтың дарынды жастарын іздеп, оларды жетілдіруге көмек беретін, жаңа бір жоба бастағалы жатырмын!
Негізгі бағыт информатикаға, не программалауға қызығушылығы бар оқушыларды жинап, оларға әрдайым менторлық жасап отырамын.
Барлығы тегін, және олармен өзім әрдайым хабарласып, тіке сабақ беріп отырамын.
Негізгі шарт 6-сыныптан жоғары қазақтың мектеп оқушысы болу керек, өзін таныстыратын 2-3 минуттық видео болсын, тіпті мен ол таныстыруларды Үздік Білімнің әлеуметтік желілерге жүктеп қоямын, сіздер де біздер де бақылап жүретін боламыз.
Ал ол оқушылардан менің өтінішім де бар болады, менен тікелей алған білімді, өзінің кем дегенде 3-шәкіртіне жеткізу, сол маған берген рахметі болады!
Сонымен жоба қалай? Ұнады ма? Қатысуға ниеттісіздер ме? Онда іске сәт!
Жоба атын “Үздіктер” дейік!
Таныстыру видеода:
1) Аты жөні, туған жері, ауыл, қала, ауданы, отбасы жағдайы, мектебі, сыныбы
2) 3 жақсы, 3 жаман жағы (шындыққа жанасу керек, кейін өтірігі шығып қалса, ұят болып қалар)
3) Неге жобаға қатысқысы келіп жатқаны (міндетті түрде өз еркі болсын, ата-ана, мұғалімдер қинамаңыздар!), өзі түсініп келсін.
4) жалпы алға қойған арманы мақсаты (мейлі ол бала арманы болсын, басқаларға күлкі болам деп қорықпасын)
Жалпы іріктеу болады!
Яғни қатысуға ниет еткен оқушыға 1-айда 100-150 есеп шығарып, яғни өзін лайықты екенін көрсетіп, (ал ол есептердің барлығы да талдалған, түсіндірілген болады), кейін мен сол шығарған есептердің негізінде 3-4 есеп беремін, егер одан өтсе онда менің алда болатын бүкіл курстарға тегін қатысудан бөлек, әр апта сайын жүздесіп, олимпиадалық есептер мен жаңа ИТ білімдерді өтіп отырамыз.
PS. Жақын арада осыған сәйкес видео жүктеймін, сонда толық түсіндіретін боламын
169 viewsYergali B, edited 15:20
Ү
