2022-04-29 07:17:25
Пітір садақаны ақшамен беруге болады ма?
⠀
Атақты Шейх Мухаммад Али әс-Сабуни حفظه الله өзінің “фиқһ әл-ғибадат” кітабында:
⠀
Имам Абу Ханифа: Пітірдің құнын беруге болады. Және ол әс-Сәури, әл-Хасан әл-Басри мен Омар ибн Абдулазиздің де пікірі.
⠀
Пітір садақаның мақсаты кедейге жәрдем беріп, қажетін өтеу. Алла елшісінің ﷺ мына сөзі оған дәлел: “ Бұл күні олардың сұрау мұқтаждығын кетіріңдер.” Ендеше пітір садақаның мақсаты кедейдің мұқтаждығын кетіру. Ол болса құрмамен, бидай-арпамен және мал мүлікпен, яғни ақшамен де жүзеге асады. Тіпті ақшамен кедей үшін жақсырақ болады. Егер ол тамаққа мұқтаж болса ақшаға тамақ алады. Егер киімге не дәріге мұқтаж болса соларды алады, жалпы өзінің кез-келген қажетін өтейді. Хадис الإغناء-мұқтаждықты кетіру, байыту сөзімен келді. Ал ақша болса сол сөздің мақсатын орындайды.
⠀
Имам әд-Дарақутни өзінің сунан жинағында Тоустан риуаят еткен хадисте Тоус айтты: “ Сахаба Муаз инб Жәбәл Йеменге келген кезде былай деді: маған жүгері мен арпаның орнына киім беріңдер. Расында, ол сіздер үшін жеңіл және мухажірлер үшін хайырлы, басқа риуатта пайдалырақ делінген.” Әңгіме зекет жайында.
⠀
Абу Ханифа айтты: “ Пітір садақасы зекет секілді. Зекетте құнын алуға рұқсат болса, онда пітірде де рұқсат. Өйткені кедейге пайдалырақ нәрсеге қараймыз. Әсіресе бұл амалды Омар ибн әл-Хаттаб пен Муаз инб Жәбәл және Омар ибн Абдулазиз жасаған болса. Алла баршасына разы болсын.
⠀
Кімде-кім Абу Ханифаның дәлеліне назар салса, оның қанағаттарлық және күшті дәлел екенін көреді, әсіресе мына біздің заманда. Мұсылмандар үшін кеңшілік бар мәселеде бір нәрсеге қатып алу дұрыс емес.
⠀
Алла елшісі ﷺ ақша, дирхамды айтпай, арпа, бидай секілді заттарды айтуының себебі олардың заманында дирхам мен динар аз еді. Адамдардың көбісі сауданы алмасу арқылы жасайтын болған. Мейізді құрма немесе арпаға, бидайды теріге ауыстырып, сауданы солай жасаған. Сол үшін Алла елшісі ﷺ халыққа ауыр нәрсені міндеттемей, керісінше пітір садақаны оларға жеңіл болатын жолмен айтты. Ол арпа, бидай, құрма секілді заттар. Ал біздің заманда беруге жеңіл және кедейге жақсырақ болатын нәрсе - ақша.
#пітір
11 views04:17