2023-03-12 07:11:54
Рамазанға дайындық
⠀
1. НИЕТ
«Ахзаб» сүресінің 35-аятында Алла Тағаланың ораза ұстаушы ерлер мен ораза ұстаушы әйелдерге жарылқау мен ірі сыйлық әзірлейтіні туралы айтылған. Мұсылман адам ораза ұстағанда, ең алдымен, Алланың әміріне бағынамын және Оған жақындаймын деген ниетте болуы керек. Себебі, Алла Елшісі (оған Алланың игілігі мен сәлемі болсын): «Көзбояушылықпен (рия жасап) ораза ұстаған адам (көпқұдайшылық) жасады», - деп ескерткен. (Ахмад).
Бұл айда мың айдан да қадірлі болған Қадір түні, дұға қайтарылмайтын уақыттар, Аллаға жақындататын түнгі намаз, сауаптардың есігі болған тарауық намазы, Құран оқылатын түндер, ауыз ашар уақыттағы қуаныш секілді басқа ешбір айда, ешбір құлшылықта қайталанбайтын нығметтер бар. Бұл - жылына бір-ақ рет берілетін мүмкіндік. Және өткен Рамазаннан келер Рамазанға жетпегендер қаншама?! Сол себепті, ең алдымен, осынау сауапты айдың артықшылықтарын еске алып, шынайы ықыласпен дайындалуды жүрекке бекіткен дұрыс.
⠀
2. ТЫЙЫЛУ.
Оразаны бұзатын барлық нәрселерден тыйылу. Мысалы, ішіп-жеу, әдейілеп құсу, жыныстық қатынас, т.б
⠀
3. УАҚЫТҚА САҚТЫҚ ТАНЫТУ.
Яғни ауыз бекітер және ауыз ашар уақытқа мұқият болу. Себебі Алла Құранда уақыттың маңызын меңзеп: «...Әрі таңның ақ жібі қара жіптен анықталғанға дейін ішіп-жеңдер, кейін оразаны кешке дейін ұстап аяқтаңдар...» - деген. («Бақара» сүресі, 187-аят)
⠀
4. ДЕНСАУЛЫҚТЫҢ ЖАРАМДЫ БОЛУЫ.
Алла Тағала науқас және сапардағы адамдарды Рамазанның оразасынан босатқан. Бірақ олар қаза күндердің оразасын кейін өтеуі тиіс. Сонымен бірге, әйел адам ай сайын көретін ерекше жағдайына байланысты және босанғаннан кейінгі нифас күйінде оразадан босатылады.
1.5K views04:11
Қ
