2023-02-19 13:45:04
АМАЛДАР АЛЛАНЫҢ АЛДЫНА КӨТЕРІЛЕТІН АЙ КЕЛДІ!
⠀
Есігімізден еніп тұрған шағбан – пенденің істеген ізгі амалдары Жаратушы Раббымыздың құзырына көтерілетін ай.
⠀
Усама ибн Зәйдтен (р.а) жеткен хадисте Пайғамбарымыз (ﷺ):
"...Бұл айда жасалған амалдар әлемдер Раббысының құзырына көтеріледі. Мен өз амалдарымның аузым берік кезде (Аллаға) көтерілгенін ұнатамын", – деген.
(Тирмизи, Насаи)
⠀
Алла Тағала дәл осы айда Өзінің ардақты етіп жаратқан пендесін айрықша құрметке бөлеп, оған ұлы сый әзірлеген. Сондықтан пенде Шағбандай абзал айдың қадірін біліп, сансыз сауаптан құр қалмауға тырысуы керек.
⠀
Шағбандағы құлшылықтың құпиясын Алла Елшісінің ﷺ өзі ашық айтып, үлгісін көрсетіп кеткен.
Айша анамыз (р.а): «Пайғамбарымыз (ﷺ) оразаны шағбан айында ұстағандай, басқа ешбір айда ұстамайтын, кей кездері шағбан айын толығымен ораза ұстап
⠀
өткізетін», – дейді. (Бұхари, Муслим)
Сондықтан құлшылық науқаны болған айда нәпсімізді тежеп, нәпіл ораза, нәпіл намаздар сияқты қосымша ғибадаттар жасауға және сол арқылы Раббымыздың разылығын алуға асыққанымыз абзал.
Алайда, Рамазан кірерден бірер күн бұрын ораза ұстамаған жөн. Себебі, Әбу Һурайра (оған Алла разы болсын) Алла Елшісінің ﷺ былай деп айтқанын жеткізген:
⠀
«Сендерден ешкім өзінің әдетте ұстайтын оразасы болмаса, Рамазанның алдында екі күн бұрын не бір күн бұрын ораза ұстамасын, ал (егер әрдайым ұстайтын оразасы болса), онда оны ұстасын»
(Бұхари, Муслим)
45 views10:45
Қ
