2021-12-10 16:12:00
Бажыхана органларында әмелге асырылып атырған реформалар өз нәтийжесин бермекте
Бүгинги күнде мәмлекетимиздиң ҳәр бир тараўында жүз берип атырған жаңаланыў ҳәм өзгерислер биринши гезекте инсан қәдри және оның ҳуқықый мәплерин қорғаў, исбилерменлик субъектлерин қоллап-қуўатлаў ҳәм оларға нызамшылықға тийкар жеңилликлер жаратыў арқалы жаслардың бәнтлигин тәмийинлеў ушын қаратылған десек асыра айтқан болмаймыз.
Мәмлекетимизде заманагөй информацион-коммуникация технологияларынан пайдаланған ҳалда, Өзбекстан Республикасы мәмлекетлик бажыхана хызмети органлары искерлиги натийжелилигин асырыўға қаратылған избе-из реформалар бүгин өз нәтийжесин көрсетип атыр, және бул өз орнында бажыхана бақлаўы ҳәм рәсмийлестириўи процесслериниң әпиўайыластырылыўы, оларға кететуғын ўақыттың қысқарыўы менен бир қатарда сапа дәрежеси артпақда.
Бир ғана Қарақалпақстан Республикасы бажыхана басқармасы мысалында алып қарасак, усы жылдың өткен 11 айы даўамында басқарма тәрепинен жәми 390,78 млн АҚШ долларына тең өнимлер экспорт бажыхана режимине рәсмийлестирилди.
Улыўма баҳасы 587,16 млн АҚШ долларын қурайтуғын республикамыз сыртқы саўда айланбасының 66% товарлар экспортына туўры келеди.
Республика аймағынан тийкарынан полиэтилен, ийирилген жип, фармацевтика өнимлери, пахта талшығы, артемия цистаси, азық-аўқат өнимлери, химия санааты өнимлери, гүнжи өнимлери, пропилен, боян тамыры және оның экстракты, калцинацияланған сода ҳәм де тери өнимлери дүньяның Туркия, Китай, Россия, Казахстан, Латвия, Украина, Кырғызыстан ҳәм Нидерландия сыяқлы бир қатар мәмлекетлерине экспорт етилди.
Технологиялық әсбап-үскенелер, химия санааты өнимлери, ағаш ҳәм тахта, аўыл хожалығы ҳәм азық-аўқат өнимлери, транспорт және аўысық бөлеклери ҳәм де нефть ҳәм нефть өнимлери сыяқлы улыўма бахасы
196,38 млн АҚШ долларына тең өнимлер басқарма тәрепинен импорт бажыхана режимине рәсмийлестирилди.
Соның менен бирге, усы жылдың өткен дәўири даўамында Қарақалпақстан Республикасы бажыхана басқармасы тәрепинен бажыхана органларының өз фискал ўазыйпаларын әмелге асырыў шеңберинде бажыхана төлемлеринен 305 млрд 131,6 млн сўм пул қаржлары мәмлекет бюджетине өткерилиўи тәмийинленди.
Мәмлекетимиз басшысы ҳәм ҳүкиметимиз тәрепинен исбилерменлик субъектлерине бәсекиге шыдамлы өнимлерди ислеп шығарыў арқалы экспорт көлемин асырыў ҳәм импортты оптималластырыўға қаратылған бир қанша нормативли-ҳуқықый ҳүжжетлер қабыл етилмекте. Усы нызам ҳүжжетлерде белгиленген ўазыйпалардың атқарылыўын сөзсиз тәмийинлеў мақсетинде, бажыхана органлары тәрепинен усы жылдың дәслепки 11 айы даўамында сыртқы экономикалық байланыс қатнасыўшысыларына жәми 216 млрд 850 млн сўм муғдарында бажыхана төлемлеринен жеңилликлер қолланылди.
Есабат дәўиринде бажыхана тараўына тийисли нызамшылық ҳүжжетлериниң бузылыўы менен байланыслы 343 ҳуқықбузарлық жағдайлары анықланып, жәми 6 млрд 528 млн сўмлық товар-материаллық байлықлар айғақлы зат ретинде иркилди. Соннан, жәми 10 жағдайда Өзбекстан Республикасы Жынаят кодексиниң тийисли статьялары бойынша жынаят иси қозғатылды.
Басқарма хызметкерлери тәрепинен нәшебентлик ҳәм психотроп өнимлери, қурал жарақ ҳәм оқ дәрилериниң нызамсыз айланысына қарсы гүресиў жөнелисинде де бир қанша жумыслар әмелге асырылып келинбекте. Атап айтқанда, 2021 жылдың өткен 11 айы даўамында 102,35 гр. “опий”, 119,42 гр. “марихуанна”, 53,41 гр. “гашиш” 6 түп “каннабис”, 1,83 гр. нәшебентлик өсимлиниң туқымы ҳәм 4201 дана таблетка “Трамадол” атлы нәшебентлик өнимлери, 222 флакон “Тропикамид” ҳәм 314 капсула “Регапен” атлы күшли тәсир етиўши өнимлер, соның менен бирге, 52 психотроп таблеткалар анықланды.
Оқатар қураллар қатарына кириўши 6 дана оқ-дәри, 2418 гильзалар, 1,15 кг дробларнинг нызамға қарсы тәрзде бажыхана шегаралары арқалы кирип келиўи ҳәм айланбада болыўының алды алынып, тийисли тәртипте нызам шаралары көрилди.
91 views13:12
Q
