2020-12-04 11:43:09
Ескерту: көпәріп
"Ұрлаудан басқа амал жоқ" - КТК арнасында көрсетілген жастар бағытындағы сериал.
Синопсисінде тәжірибесіз ұрылардың Ұлттық музейдегі құнды жәдігерді ұрлауы туралы делінген. "Жол бойы тығырыққа тап болып, 5 кейіпкерлердің кездейсоқ тағдырлары бір арнаға тоғысады. Басты кейіпкерлердің қиын жағдайға тап болуы, оларды амалсыз ұрлық жасауға алып келеді. Шиеленісті оқиғалар комедиялы ситуациялармен ілесіп жүреді. Көліктердің жарысы мен төбелес сахналары сериалды экшн жанрына жатқызуға себепкер болып отыр. Сериал әке мен бала арасындағы қақтығыстар мен өмірдің дайындап тұрған үлкен сынақтары туралы да ой қозғайды. Жаман әрекетке бару мен оның өтемі туралы, оқиға желісі ұрланатын жәдігер туралы көрсетеді".
Экшн, road movie, детектив секілді жанрларды үйлестіруге тырысқан жобаның кемшіліктері де, ерекше атап өтуге болатын тұстары да бар. Бірақ сөздің шыны керек - плюсі деуге келетін тұстары өте аз. Алдымен сол плюстері туралы:
Жаңа келбеттер. Сериалда жұлдыздар аз, олар да екінші дәрежедегі рөлдерде. Алдыңғы пландағы актерлерді өз басым танымайды екенмін. Мүмкін олар уақыт өте үлкен жұлдызға айналар. Шыны керек қазір қазақ телевидениесінде де, киносында да жаңа адамдар аз. Сол көпшілікке танымал тұлғалар барлық жерде жүреді. Бұл көрерменді зеріктіреді, әрі жаңа жобаларға да қызығушылықты да азайтатын секілді. Ал жаңа актерлерді ашу, олардың шығармашылығын бақылау - онсыз да бір-бірінен айырмасы шамалы қазіргі кино мен телеөнімдер арасынан ерекшеленуге жақсы себеп бола алады деп ойлаймын.
Төбелес қойылымы. Кәсіби каскадерлер қатысқаны байқалады. Экшн сүйер қауымға ұнауы керек. Дегенмен бұған да қойылар кінәрат бар, ол туралы кейінірек.
Кейбір жеріндегі режиссерлік шешімдер, сценарийшінің тапқырлығы деуге болатын сәттер. Бірақ, өкінішке қарай, ондай өте аз.
Құдай куә, жақсы тұстарын барынша көп қылып айтуға тырыстым
Ал енді кемшіліктері жайында:
Сылдыр су көп. Сюжеті жалпы алғанда созылыңқы көрінді. Сюжетке, кейіпкерлердің дамуына еш әсер етпейтін қисынсыз көріністер көп. Диалогтар дұрыс құрылмаған. Әлгі өзіміз "детский" деп айтатын приколдар көп. Кейіпкерлер аркасын кішкене ойластыруға болар еді.
"Детский" демекші, осы сериалдың ең танымал актері - Әбунасыр Серіковты клоун қылып қойыпты. Білмеймін, бұл әдейі ойластырылған кейіпкер ме, әлде бұның бәрі актердің импровизациясы ма - ерсі, жалпы желісімен дым үйлеспейтін, күлкілі емес репликалар мен әзіл көп. Жо-жоқ, тым көп. Ия, кейіпкер ретінде қызық, бірақ оның рөлі де, сюжеттегі маңызы да ойластырылмаған. Жалпы бұндай кінәратты барлық кейіпкерге қатысты айтуға болады.
Шынымен де кейіпкерлерді жете ойластырмау - сериалдың басты кемшіліктерінің бірі. Ол не істеп жүр, оның маңызы қандай, оның белгілі бір әрекетке баруына не әсер етті, әсер етсе сол әрекетке (мысалы ұрлыққа) баруына сендіре алатындай мотивация бар ма - сценарийшілерді аса қызықтырмаған секілді. Ұрлаймыз, бітті - ол көрерменге қызық па, уәжімен сендіре ала ма, ол жағын ойламаған.
Тақырып зерттелмеген. Сюжетте үш негізгі линия бар деп шартты түрде айталық: ұрылар, оларды ұрлыққа мәжбүрлеген бандиттер, сосын солардың соңына түскен полиция. Сценарийшілер үшеуінің де тақырыбын ашуға тырыспайды. Сериалға дайындық барысында осы салалардың өкілдерінен консультация алып па, әлде әңгімелесіп пе - әйтеуір тақырыпқа қанығу керек еді.
Сериалда ұрылар қалай әрекет ету керек, қылмысты қалай жоспарлау керек, олардың жүріс-тұрысы қандай болады деген сияқты деталдерді зерттеп алса дұрыс болар еді. Басты кейіпкерлерді тонау операциясына мәжбүрлеген қылмыс серкелері қандай болу керек, көрермен алдында сенімді болу үшін олар мәжбүрлеудің қандай тәсілдерін қолдануы керек деген сұрақтарға да жауап ізделмеген секілді. Ал тергеушілердің іс-әрекеті сценарийшінің таза қиялы екені бірден байқалады. Өмірде полицейлер қалай сөйлеседі, тергеуді қалай жүргізеді, түрлі органдар арасындағы қарым-қатынас дәрежесі қандай, ұстау операциялары қалай өтеді - ешқайсында сенуге тұрарлық көрініс көрсетілмейді.
Актерлердің ойыны. Жас актерлері бар, тәжірибелісі бар - ешбірінде өз персонажына сәйкес болатындай сәтті ойын жоқ. Бұл
125 views08:43