КР Университеттери

2020-06-06 07:28:55 ​​КЫРГЫЗ-ӨЗБЕК УНИВЕРСИТЕТИ

#eldemi #university

1)Жалпы маалымат:
Көп маданияттуу билим берүү аркылуу элдердин достугун бекемдеген Кыргыз-Өзбек университети өлкөбүздөгү көп тилдүү билим берүү программасын аппробациялоочу жогорку окуу жайлардын катарына кирген жана мектепке чейинки, башталгыч жана жалпы орто билим берүү мекемелери үчүн кесипкөй педагогдорду даярдап келүүдө.
Университеттин миссиясы:Коомдун билим берүү, илим, экономика жана социалдык чөйрөсүн ѳнүктүрүүгѳ жана атаандаштыкка жѳндѳмдүү адистерди даярдоо; коомдун адеп-ахлактык, маданий жана илимий баалуулуктарын сактоого жана арттырууга ѳбѳлгѳ болуу жана кѳп маданияттуу билим берүү аркылуу Борбордук Азияда жашаган элдердин ортосундагы достукту бекемдѳѳ.
Азыркы учурда университеттин курамында 5 факультет, 3 колледж жана 1 кесиптик лицей билим берүү ишмердүүлүгүн жүргүзүшѳт.
2)Эмне үчүн Кыргыз-Өзбек университети?
Кыргыз-Өзбек университетинде окутуу кредиттик технологиянын негизинде жүргүзүлөт. Керектөөчүлөрдүн талаптарына ылайык адистерди даярдоо заманбап техникалык каражаттар, интерактивдик доскалар, 3D мониторлор менен жабдылган, видеокѳзѳмѳл орнотулган лекциялык залдарда, атайын адистештирилген окуу лабораторияларында ишке ашырылат. Жаштардын аралыктан билим алуусун камсыздоо максатында, мультимедиялык каана, атайын маалымат жана технологиялар борбору иштейт. Окуу процесси AVN маалыматтык программасы аркылуу толугу менен автоматташтырылып, окуу жайдын сайты аркылуу ата-энелерге жана коомчулукка жеткирилип турат.
3)Кандай алмашуу программалары бар?
Окуу жайда Mevlana,Erasmus+ жана DAAD алмашуу программалары бар.
Казакстан,Өзбекстан,Кытай,Туркия, Индия,Тажикстан ж.б. жакынкы жана алыскы чет өлкөлөрдөгү, ошондой эле Кыргызстандагы башка университеттерге барып окуп келүү мүмкүнчүлүктөрү каралган.
Окуу жай сайтына шилтеме:www.kuu.kg Ашу / Түсініктеме

2020-06-02 00:52:46 ​​ЭЛ АРАЛЫК МЕДИЦИНАЛЫК УНИВЕРСИТЕТ

#eldemi #university

1)Жалпы маалымат:
Кыргыз Республикасынын Эл аралык Медициналык Университети - бул эл аралык макамга ээ болгон жана "Сапаттуу Билим" Билим берүү мекемелерин жана программаларын аккредитациялоо агенттигинин көз карандысыз аккредитациясынан өткөн, тез өнүгүп келе жаткан инновациялык билим берүүчү жана илимий-изилдөө мекемеси, ошондой эле Бүткүл Дүйнөлүк Саламаттыкты сактоо Уюмунун WDMS каталогунда катталган.
Бүгүнкү күндө Эл аралык медициналык университет Кыргыз Республикасында салыштырмалуу жаш университет болуп саналат, анын 3 факультети(дарылоо иши,стоматология жана формация), 1 колледжи, 1 мектеби, Авиценна медициналык клиникасы, илимий борбору жана "Санат-Ден Соолук" телестудиясы бар.
2)Эмне үчүн ЭАМУ?
Эл аралык медициналык университет - уникалдуу жана универсалдуу кампус, анда клиникалык база, окуу жана илимий билим берүү борборлору, медициналык биофизика, химия, биология жана адам анатомиясы лабораториялары бар.
Университет көп деңгээлдүү билим берүү тутумуна ээ: университетке чейинки даярдоо (мектеп),сертификатталган адисти даярдоо (университет),ординатура,аспирантура, докторантура, квалификацияны жогорулатуу, кесиптик даярдоо жана практика.
Окуу жай сайтына шилтеме:http://imu.edu.kg Ашу / Түсініктеме

2020-05-30 15:57:57 ​​И.АРАБАЕВ АТЫНДАГЫ КЫРГЫЗ МАМЛЕКЕТТИК УНИВЕРСИТЕТИ

#eldemi #university

1)Жалпы маалымат:
И.Арабаев атындагы Кыргыз Мамлекеттик Университети - юридикалык жак макамына ээ болгон,педагогика жаатында Кыргызстандагы өзөктүү жогорку окуу жайларынын бири.
Университеттин негизги максаты – Кыргызстандагы жогорку билим берүү системасын реформалоо жана модернизациялоо.
КМУнун миссиясы:Университеттин илимий-билим берүүнүн инновациялык борборуна айланышына салым кошуу, көп деңгээлдүү билим берүү программаларын ишке ашыруу жана атаандаштыкка жөндөмдүү кадрларды даярдоо.
Университетте 10 факультет,4 институт жана 2 колледж бар.
2)Эмне үчүн КМУ?
И. Арабаев атындагы КМУ чет өлкөдөн келип окуган студенттердин саны боюнча мамлекеттик жогорку окуу жайлардын ичинде алдыңкы орундардын бирин ээлейт.
И.Арабаев атындагы Кыргыз Мамлекеттик Университетинин ишмердүүлүгү жаңы билим алууга, Кыргыз Республикасынын учурдагы коомдук тажрыйбасынын кызыкчылыктарына ылайык илимий-изилдөө иштерин жүргүзүүгө, анын интеллектуалдык потенциалын жогорулатууга, эгемендүү Кыргызстандын социалдык-экономикалык жана саясий өнүгүүсүнүн артыкчылыктуу багыттары боюнча жогорку квалификациялуу окутуучу кадрларды жана адистерди даярдоого багытталган.
3)Кандай алмашуу программалары бар?
КМУнун дүйнөнүн 50дөн ашуун алдыңкы университеттери менен эки тараптуу келишимдери бар.Университетте Erasmus+,DAAD,MEVLANA алмашуу программалары иштейт,ошондой эле ШКУ(ШОС) Университетинин “Педагогика” багыты боюнча мүчөсү.
Окуу жай сайтына шилтеме:http://arabaev.kg/ Ашу / Түсініктеме

2020-05-27 17:44:25 ​​ТУРИЗМ АКАДЕМИЯСЫ

#eldemi #university

1)Жалпы маалымат:
Туризм академиясы - туризм, мейманкана иши, кызмат көрсөтүү, тил илими жана эл аралык мамилелер чөйрөсүндө адистерди даярдаган адистештирилген окуу жайы.
Академиянын максаты – туризм жана сервис чөйрөсүн башкарууга жана өз мекемесин уюштурууга жөндөмдүү адистерди даярдоо,ошондой эле «Конок күтүү менеджменти» жана «Туризм менеджменти» бөлүмдөрүндө туристтик саякат, чет өлкөгө баруу жана чет өлкөлүк туристтерди күтүү, сервистик тейлөө иштерин уюштуруучу адистерди даярдоо.
Туризм академиясы бакалавриаттын беш багыты боюнча адистерди даярдайт.
2)Эмне үчүн Туризм академиясы?
Академияда туризм, сервистик жана шоу программалар боюнча теоретикалык жана практикалык сабак өтүү үчүн заманбап техникалык каражаттар (компьютерлер, мультимедиа проекторлор) менен жабдылган кабинеттер, лабораториялар бар.
Окуу программасы чет тилдерди жана заманбап маалыматтык технологияларды билген кызматтын негизги адистерин даярдоону камсыз кылат. Жогорку курстарда студенттер жеке кызыкчылыктарына жараша адистештирилген топторго бөлүнүшөт.
3)Кандай алмашуу программалары бар?
Туризм жана тейлөө мекемелериндеги практика окуу процессинин ажырагыс бөлүгү болуп саналат. Академиянын программасында окуу процесси менен бирге республикадагы жана чет өлкөлөрдөгү мыкты делген туристтик сервис мекемелеринде практикадан өткөрүлөт. Академиянын бүтүрүүчүлөрү практика өтүүчү жерлерде иштешип, кенже студенттер үчүн практиканы уюштурууга өз салымын кошушат. Чет элдик практика тилдерди өркүндөтүүгө, туризм жана эл аралык тейлөө чөйрөсүндө практикалык билимди жана кесиптик жөндөмдөрдү алууга өбөлгө түзөт.
Окуу жай сайтына шилтеме:http://at.edu.kg/ Ашу / Түсініктеме

2020-05-24 16:11:29 ​​Б.БЕЙШЕНАЛИЕВА АТЫНДАГЫ КЫРГЫЗ МАМЛЕКЕТТИК МАДАНИЯТ ЖАНА ИСКУССТВО УНИВЕРСИТЕТИ

#eldemi #university

1)Жалпы маалымат:
Б.Бейшеналиева атындагы Кыргыз мамлекеттик маданият жана искусство университети-республиканын маданият жана искусство мекемелери үчүн жогорку квалификациялуу жана ар тараптуу адистерди даярдоонун алдыңкы борборуна айланган республиканын биринчи көркөм окуу жайы.
Университет беш факультеттен жана 15 кафедрадан турат. Сырттан окутуу, квалификацияны жогорулатуу жана кадрларды кайра даярдоо факультети иштейт.
Стратегиялык максаты - коомдун маданият жана искусство жаатында илимий, чыгармачылык жана маданий прогресстин эң маанилүү маселелерин чечүүгө жөндөмдүү адистин жаңы түрүнө болгон муктаждыктарын канааттандыруу.
2)Эмне үчүн КММИУ?
Б. Бейшеналиева атындагы КММИУ китепканасы өзүнүн пайда болгон жылдарынан бери республиканын эң ири музыкалык китепканаларынын бири болуп калды.
Университетте окуу корпусу, жатакана, ошондой эле музыкалык-теориялык жана музыкалык-тарыхый сабактарды өткөрүү үчүн атайын класстар бар.Андан сырткары заманбап үн жаздыруу студиясы, кино жана телевидениеде редакциялоо класстары иштейт.Көпчүлүк класстар сахна чеберчилиги, эстрадалык спектакль жана хореографиялык цикл сабактары үчүн атайын жабдылган.
Университетке тапшыруучу абитуриенттерден жалпы республикалык тесттин сертификаты талап кылынбайт.
Окуу жай сайтына шилтеме: kguki.kg Ашу / Түсініктеме

2020-05-22 18:16:53 ​​АДАМ УНИВЕРСИТЕТИ

#eldemi #university

1)Жалпы маалымат:
АДАМ Университети -жигердүү жашоо образы бар, ар тараптуу, ийгиликтүү адистерди калыптандыруу аркылуу өлкөнүн экономикалык потенциалын бекемдөөгө салым кошуп, Кыргызстандын жыргалчылыгы үчүн иштөөгө даяр,динамикалуу өнүгүп келе жаткан заманбап ата мекендик университеттердин бири.
AДАМ университетинин миссиясы - коомго социалдык жана экономикалык институттардын туруктуу өнүгүүсүнө компетенттүү кадрларды даярдоо жана изилдөө жүргүзүү аркылуу жардам берүү.
2)Эмне үчүн АДАМ университети?
АДАМ Университети-2005-жылы аймактык коомдук профессионалдык аккредитациялоо жол-жобосунан ийгиликтүү өтүп, CAMEQ алтын сапат белгисин алган Борбордук Азиядагы биринчи университеттердин бири.
Университет бүгүнкү күндө Болонья Клубунун мүчөсү.
3)Кандай алмашуу программалары бар?
Университет мамлекеттик органдар, иш берүүчүлөр, коомдук уюмдар, ошондой эле Европа, Азия жана АКШдагы университеттер менен кеңири өнөктөштүккө ээ. Эл аралык келишимдерге ылайык, академиянын студенттери АКШда жана Европада практикадан, жайкы практикадан жана окуудан өтүшөт.
Окуу жай сайтына шилтеме:http://bafe.edu.kg Ашу / Түсініктеме

2020-05-20 11:17:11 ​​КЫРГЫЗ МАМЛЕКЕТТИК ДЕНЕ ТАРБИЯ ЖАНА СПОРТ АКАДЕМИЯСЫ

#eldemi #university

1) Жалпы маалымат:
Кыргыз мамлекеттик дене тарбия жана спорт академиясы–азыркы кездеги окуу-илимий жана спорттук базасы бар, спорт жана дене тарбия жаатындагы бирден-бир адистештирилген жогорку окуу жайы.
Академиянын карамагында: футболдук-жеӊил атлетика манежи, гимнастика жана спорттук оюндар залдары, оор атлетика, күрөш, бокс, дзюдо, стадион, сууга сүзүү бассейни жана ачык спорт аянтчасы, лыжа спорттук жана туризм боюнча машыгууларды өткөзө турган Бишкек шаарынан 30 км. аралыкта жайгашкан «Спорт» базасы бар.
КМДТжСА дене тарбия багытында дене тарбиянын бакалавры академиялык даражасын ыйгаруу менен үч профиль боюнча даярдоону иш жүзүнө ашырат:педагогикалык профиль,спорттук даярдоо профили жана аскерге чейинки даярдоо жана дене тарбия профили.
2)Эмне үчүн КМДТСА?
КМДТСА — Кыргызстанда спортчуларды, машыктыруучуларды жана дене тарбия мугалимдерин даярдоочу жогорку окуу жайы.
Дене тарбия жана аскерге чейинки даярдоо багытынын бүтүрүүчүлөрүнө «Запастагы кичүү лейтенант» деген аскердик наамы ыйгарылат.
ЖОЖго кабыл алууда ОРТнын жыйынтыктары эске алынбайт!
Окуу жай сайтына шилтеме:www.ksapcs.kg Ашу / Түсініктеме

2020-05-18 08:39:01 ​​КЫРГЫЗ РЕСПУБЛИКАСЫНЫН ИИМДИН МИЛИЦИЯНЫН ГЕНЕРАЛ-МАЙОРУ Э.А. АЛИЕВ АТЫНДАГЫ АКАДЕМИЯСЫ

#eldemi #university

1)Жалпы маалымат:
Кыргыз Республикасынын ИИМдин Академиясы мамлекеттик билим берүү стандарттарына ылайык толук жогорку юридикалык билим берүү программасы боюнча укук коргоо органдары үчүн жогорку квалификациялуу адистери даярдайт.
Академияда 2 кафедра, 5 факультет, 12 кафедра, 4 бөлүм, 3 кызмат, 2 борбор жана 2 топ иштейт.
2)Эмне үчүн КРнын ИИМ дин Академиясы?
Жогорку билим берүү программаларын бюджеттик негизде аяктаган Ички иштер министрлигинин Академиясынын бүтүрүүчүлөрүнө биринчи “милициянын лейтенанты” атайын наамы ыйгарылат.
3)Кандай алмашуу программалары бар?
Ички иштер министрлигинин академиясы түзүлгөндөн бери, жакынкы жана алыскы чет өлкөлөрдүн Ички иштер министрлигинин бир катар жогорку окуу жайлары менен өз ара мамилелерге жетишкен. Эки тараптуу келишимдердин негизинде, Кыргызстандык курсанттар жана студенттер Россия Федерациясынын Ички иштер министрлигинин жогорку окуу жайларында билим алууну улантышууда. Академия эл аралык уюмдар менен активдүү диалог жүргүзөт. Негизги өнөктөшү - ЕККУнун Бишкектеги борбору.
Окуу жай сайтына шилтеме:http://academy-mvd.kg/ Ашу / Түсініктеме

2020-05-14 10:50:42 ​​МУСА РЫСКУЛБЕКОВ АТЫНДАГЫ КЫРГЫЗ ЭКОНОМИКАЛЫК УНИВЕРСИТЕТИ

#eldemi #university

1)Жалпы маалымат:
М.Рыскулбеков атындагы Кыргыз экономикалык университети - илимий - билим берүү ишмердик сапатынын дүйнөлүк стандартына ылайык экономикалык багыттагы жалгыз адистештирилген мамлекеттик университет.
КЭУнун миссиясы:
Эл аралык деӊгээлдеги дипломдорго ээ, жаӊы генерациядагы жогорку квалификациялуу жана жогорку маданияттуу адистерди жана экономиканын бардык секторлоруна зарыл, жаӊы формациядагы, алган билимдерин экономикада, өндүрүштө жана ишмердикте практикалык ишке ашырууга жөндөмдүү адистерди даярдоо.
Университетте 4 факультет, 14 бөлүм, соода жана экономика колледжи жана лицей бар.
2)Эмне үчүн КЭУ?
КЭУ-колледж, бакалавр,магистратура,аспирантура,докторантура жана кошумча кесиптердин билим берүү программаларынын негизинде экономикалык жана башкаруучулук профилдеги квалификациялуу кадрларды даярдоо боюнча адистештирилген жогорку окуу жай.КЭУ студенттерди практикалык даярдоодо көбүнчө илим жана билим берүү чөйрөсүндө жеке жаӊычыл борборлорунун болушуна байланыштуу жогорку деӊгээли менен айырмаланып келет.
КЭУ өлкөдө соода жана ресторандык бизнес Институту даярдаган,соода жана ресторандык бизнес системасы үчүн профилдер боюнча студенттерди даярдоону жүргүзгөн жалгыз окуу жай.
КЭУ - материалдык-техникалык базасы, телекоммуникациялык инфраструктура, окуу-методикалык жана илимий-изилдөө комплекси өнүккөн университет.
3)Кандай алмашуу программалары бар?
Университетте эл аралык ишмердүүлүктү өнүктүрүүгө олуттуу көңүл бурулат. Чет өлкөлүк өнөктөш университеттер менен биргеликте билим берүү программалары ишке ашырылып, студенттердин жана окутуучулардын академиялык мобилдүүлүгү боюнча долбоорлордун негизинде чет мамлекеттерде стажировкалар,практикалар үзгүлтүксүз жүргүзүлөт.
КЭУ Эразмус +, DAAD, MEVLANA эл аралык программаларынын, ошондой эле бир катар башка программалардын мүчөсү жана чет элдик университеттер менен жогорку билим берүү тармагында кызматташууну кеңейтип келет.
Окуу жай сайтына шилтеме:http://www.keu.kg/ Ашу / Түсініктеме

2020-05-10 19:47:16 ​​К.КАРАСАЕВ АТЫНДАГЫ БИШКЕК МАМЛЕКЕТТИК УНИВЕРСИТЕТИ

#eldemi #university

1)Жалпы маалымат:
К.Карасаев атындагы Бишкек мамлекеттик университети-алдыңкы жана элиталык жогорку окуу жайларынын бири, Кыргызстандагы гуманитардык билим берүүнүн лидери, Евразия Университеттердин Ассосациясынын мүчөсү.
БМУнун миссиясы:Орто жана жогорку профессионалдык гуманитардык жана социалдык-экономикалык билим берүү менен азыркы эмгек рыногуна өлкөнүн улуттук кызыкчылыктарына жана атаандаштык жөндөмүнө жооп берген адистерди даярдоо.
Бишкек мамлекеттик университетинин базасында 40кафедра жана колледжди камтыган 9 факультет, үзгүлтүксүз жана дистанциялык билим берүү институту жана 18 илимий борбор бар.
2)Эмне үчүн БМУ?
БМУ билим берүү, котормо иш-аракети, экономика, саясат жана эл аралык мамилелер жаатында 40тан ашык билим берүү программаларын дүйнөлүк 16 тилде (кыргыз, орус, англис, немец, италия, түрк, кытай) жогорку класстагы адистерди даярдоону ишке ашырат.
Батыш Европа жана Чыгыш мамлекеттеринин тилдерин үйрөтүүчү 50дөн ашуун чет элдик профессорлор иштеген университет.
3)Кандай алмашуу программалары бар?
БМУ эл аралык мамилелердин ири тармагына ээ.Америка, Европа, Азия мамлекеттеринин 70тен ашуун университеттери менен эл аралык кызматташта.БМУнун студенттери жыл сайын Кытай, АКШ, Германия, Россия, Казакстан, Украина, Белорус, Польша, Румыня, Франция, Түштүк Корея, Япония, Малайзия, Индия, Улуу британия өлкөлөрүнө окуп келүүгө жана тилдик стажировкадан өтүүгө мүмкүнчүлүк алышат.
Окуу жай сайтына шилтеме:www.bhu.kg Ашу / Түсініктеме