2022-09-24 18:27:40
ҰБТ-да жауаптың нұсқалары жойыла ма?
Оқушылардың арасында ҰБТ-да жауаптың нұсқалары алынып тасталады деген сыбыс тарауда.
Ол қайдан шықты? Негізінде қалай? Қазір бәрін түсіндіреміз.
23 қыркүйек күні орталық коммуникациялар қызметі брифингі өтті. Брифингтегі спикерлердің бірі
ҚР Ғылым және жоғары білім министрі Саясат Нұрбек болды.
Саясат Нұрбек білім саласындағы жоспарлармен бөлісті. Министрдің айтуынша,
келесі жылы ҰБТ-ның форматы қайта қарастырылады.
Естеріңе сала кетейік, осы жылы ҰБТ-да тестілеу барысында түсіріген бейнежазбалар қазір тексеріліп жатыр. Соның нәтижесінде,
137 оқушы қыркүйек айында мемлекеттік грантынан айрылды.
Саясат Нұрбек талапкерлерді оқуға түсіп, біраз уақыт өтіп кеткен соң грантынан айыру әділ емес екенін айтты. Осындай жағдайлар болашақта қайталанбау үшін, ҰБТ-дағы
сұрақтардың мазмұны қайта қарастырылады.
Келесі жылдан бастап, ҰБТ сұрақтары оқушының сауаттылығын, дайындық деңгейін тексеруге негізделетін болады. Яғни,
оқушылар сұрақты бұрынғыдай көшіріп ала алмайды.
Алайда, Саясат Нұрбек ҰБТ-дан нұсқалар алынып тасталады деп нақты айтпады. Қорытындыласақ,
сұрақтардың форматы өзгереді, бірақ қалай екені әлі белгісіз.
Форматты өзгерту бойынша жұмыстар келесі жылы аяқталады. Сол себептен, бұл өзгерістер
2023 ҰБТ-ға енгізілмейді деген болжам бар.
@jookzchannel
1.9K views15:27
J
