Ершат Қайболдин

2022-10-30 22:17:36 Апа, неге күрсіндің? Ашу / Түсініктеме

2022-10-13 20:04:57 Бір досым болса, шіркін!

Дос қайда, бауыр қайда алып-ұшақан?
Көбінің тәні - пенде, жаны - мыстан!
Туған күнім болғанда барлығы дос,
Басыма күн туғанда бәрі дұшпан.

Шекпен киіп, шен таққан досым қайда,
Қиналғанда басымыз қосылмай ма?
“Атқа мінсе атасын танымайды”
Дегенді айтты-ау бабам осындайда!

Өзімнен де бар шығар, өзімнен де,
Тастадым ба біреудің сөзін жерге?!
Сырласатын дос таппай аласұрам,
Дүниеден баз кешіп, безінгенде.

Кез келген адамдарға кез келмейтін,
Бір досым болса, шіркін, өзгермейтін.
Жаза бассам жазғырып, беттен алмай,
Қабағымен ықтырып, көзбен жейтін!

Мен дегенде қалмайтын жанын аяп,
Өтемін бе бір досқа жарымай-ақ?
Досқа зәру, жүрегім, қиналдың-ау,
Асқа жерік қатындай ауыраяқ!

Ершат Қайболдин Ашу / Түсініктеме

2022-09-14 22:59:53 Ойлар, ойлар!

Басымды жанартаудай ойрандаған,
Ойларым маза бермей қойды-ау маған.
Аяймын адамдарды ойланбаған,
Милары - ойыншықтай ойналмаған.

Менің миым - бір ғылым игермеген,
Игеруді ғалымдар үйренбеген.
Жұмбағы көп миымның құпиясын,
Ашатындай ешкімге ми бермеген.

Зерттетпеймін миымды бір ғалымға,
Өзім ашам сырын да, жұмбағын да.
Қызды ауылдың иттері үре беріп,
Бөлмесе екен ойымды түн жарымда.

Шақырма ырду-дырду тойға мүлдем,
Оңаша қалдыр мені ойларыммен.
Ойларым мені жалғыз қалдырмайды,
Әлемде өзім қалып қойғаныммен.

Мен жалғызбын, ай жалғыз төбемдегі,
Түндерімнің жұлдыздар көрермені.
Әй, бала, мен өлеңнің өлермені!
Қойымды ұрласаң да көгендегі,
Ойымды ұрламассың өлеңдегі.

Ершат Қайболдин Ашу / Түсініктеме

2021-12-27 19:25:49 Хабарсыз кетпеңдерші Ашу / Түсініктеме

2021-12-01 16:53:27 Тоқта, бала

Тоқта, бала, шет тілде шүлдірлеме,
Қадірін қашырасың тілдің неге?
Сұңқардай саңқылдауға міндеттісің,
Қарғадай қарқылдама, бұлбұлнеме!

Сен туғанда қай тілде іңгәләдің,
Бесік жыры емес пе тыңдағаның,
Ана тілің қазақтың тілі шығар?
Бабаңның шежіресін бір қарағын!

Көкке қарап ұлысаң, зорсың, бала,
Жерге қарап шошқадай қорсылдама!
Қара көзім, көк көз де, қысық көз де,
Ешкімің емес, сенің - көршің ғана!

Ешкімің емес олар енші берген,
Бірақ, бала, тату бол көршілермен!
Айдаһардай ысқырмай, Арғымақтай
Кісінесіп көрейік, келші бермен.

Өзге тілде ойлайсың, ішіп-жейсің,
Бәрі, бәрі болашақ үшін дейсің.
Бұл өлеңді несіне жаздым екен?
Сен бәрібір қазақша түсінбейсің!
-
Ершат Қайболдин Ашу / Түсініктеме

2021-11-08 13:32:56 “Қалам құдірет” хабарына шыққан шыққан едім, өзіме қатты ұнады! Ашу / Түсініктеме

2021-11-05 11:32:10 #Алдымда_жүріңдерші

Өзім жайлы өсектен есім ауды,
Қырық-жамау жанымның несі қалды?
Жаралы жүрегіме әркім келіп,
Өзіне керек жерін кесіп алды!

Ешкімге ұқсамайтын тағдырым бар,
Неге сонша артымнан аңдыдыңдар?
Жол берейін, алдыма шығыңдаршы,
Бірақ, мені жайыма қалдырыңдар!

Күн кешіңдер күндемей, күңкілдемей,
Тілдесіңдер адамша, зіркілдемей.
Болғаныммен бір күн бай, бір күн кедей,
Сыйлап өтем бәріңді күн-түн демей!

Сақтамаймын ешқандай кек сендерге,
Ұрсаңдар да шыдаймын, тепсеңдер де.
Уақытында беріңдер жем-шөбімді,
Арбасына есектің жексеңдер де.

Күтпеген жерден біреу келе қалса,
Шошып кетем бір жері кем адамша.
Артымда жүргендерден қауіптенем,
Алдыма шығыңдаршы не де болса.
_
Ершат Қайболдин @ershat_kaiboldin Ашу / Түсініктеме

2021-11-03 19:04:00 Алдағы демалыс күні Ақтөбе арнасынан көрсеңіздер болады, достар! Ашу / Түсініктеме

2021-11-02 12:27:23 Ана, сенің жүрегің тоқтамасын! Ашу / Түсініктеме