2023-01-04 08:11:40
#құттықтаймыз
ЖАҢАӨЗЕН ҚАЛАСЫНЫҢ «ЖЫЛ АДАМЫ - 2022» САЛТАНАТТЫ ЖИЫНЫНДА ҚАРАБАЛАЕВ ЕРЖАНҒА «ЖЫЛДЫҢ ҮЗДІК БҰРҒЫШЫСЫ» НОМИНАЦИЯСЫ ТАБЫСТАЛДЫ
«Мұнайшы» мәдениет үйінде Жаңаөзен қаласы әкімінің дәстүрлі «Жыл адамы – 2022» сыйлығын табыстау салтанатты жиыны өтті. «Жыл адамы – 2022» сыйлығы жылына бір рет өткізіледі. Мақсаты – Отанға шынайы қызмет етумен қатар, өз мамандығын жете меңгеріп, еселі еңбегімен үлкен жетістіктерге жеткен 30 мамандық иелерін марапаттай отырып, өзгеге үлгі ету.
Салтанатты жиынға қала әкімінің орынбасары Жаңабай Аймағанбетов қатысты. Үздік деп танылған әр түрлі сала мамандарына қала әкімінің арнайы марапаты «Жыл адамы - 2022» номинацияларын табыстады. Еліміздің мұнай-газ өндіру саласына елеулі үлес қосып, ел экономикасының әлемдік нарықта тұрақтауына сеп болып отырған «Бұрғылау» ЖШС-ның Б-5 Қ. Ақмолдаев бригадасының бұрғышысы Қарабалаев Ержан Нұржанұлы «Жылдың үздік бұрғышысы» номинациясына лайық деп танылды.
Бес баланың әкесі Ержан Нұржанұлы мұнай-газ саласында бұрғышы көмекшісінен бастап бұрғышы қызметінде үзбей 30 – жылға жуық қызмет еткен өз мамандығының үздігі. Бұрғылау жұмыстарының қыр-сырын жақсы меңгерген маман. Бүгінгі күнде мол тәжиребесімен, технологияны жақсы меңгерген білімімен, жұмысқа қосар орасан зор үлесімен, жастарға тәлімгерлік үлгілігімен, ұжымда сыйлы құрметке бөленуде.
Әріптесімізді елеулі еңбегі үшін алғыс айтып, еліміздің өсіп-өркендеп дамуына қосқан үлестері және де кен игеру саласындағы абыройлы істерінің ырысы мен берекесін, жетістіктері мен жемісін көре беруіне тілектеспіз әрқашан!
94 views05:11