Burgylau

2023-06-18 16:59:16 БАЛА ЖАНЫН ЖАДЫРАТАР ЖАЗДЫҚ ЛАГЕР БАСТАЛДЫ

Жадырап келген жазда оқудан босаған балалардың көбі жаздық лагерлерге баруға асығады. Олардың қуаныш пен шаттыққа толы ұмытылмас естеліктері осындай жазғы демалыс лагерлерінен бастау алары сөзсіз. Жайдарлы жаздың шырайын ашатын балалар демалыс лагері жылдағы үрдіске сай қызметкерлердің 7 мен 14 жастағы балаларына еліміздің ең үздік деген лагерлеріне тегін жолдама беріп, пайдалы әрі танымды демалыс ұйымдастыру үшін Бұрғылау мекемесі бар мүмкіндіктерді қарастыруда.

Қазіргі уақытта балалар Алматыдағы "Айналайын", "Bala land" және «Ақбұлақ», Қапшағайдағы "Балдаурен", Шымкенттегі "Гавайи", Көкшетаудағы «Балдаурен», сонымен қатар Жаңаөзен қаласындағы «Ақбөбек Кендірлі» лагерлерінде демалуда. Лагердегі демалыс уақыттары 10 күнді қамтиды. Аталған сауықтыру орындарында балалардың толыққанды демалуы үшін жан-жақты жағдай қарастырылған. Басты назарда – балалардың қауіпсіздігі, осыған орай компания тарапынан жеткізуші, қабылдаушы, бақылаушы білікті мамандары жұмылдырылған.

Балалардың демалуы мен сауықтырылуын қамтамасыз ету мақсатында Бұрғылау тарапынан ұйымдастырылған лагерлерге жаз айы басталғалы балалар жазғы демалыстарын тиімді өткізіп, жаңа серпінмен оралуда. Лагерлер бассейнмен, заманауи спорт және ойын алаңдарымен, өнер орталықтарымен қамтылған. Жеткіншектерге арнап спорттық және шығармашылық үйірмелер жұмыс істейді. Сондай-ақ, түрлі байқаулар, фестивальдар, серуендер мен экскурсиялар ұйымдастырылып, балалардың әрбір күнін естен кетпес қызықты да пайдалы етіп өткізу үшін барлық жағдайлар жасалған.

Балалар лагері – кез келген баланың бойындағы қабілеттерін ашуға, денсаулығын жақсартуына, өзін көрсетуге, жаңа достармен танысуға, спорт және өнерге талпынуына, көпшілік ортада өзін өзі ұстауына, таза ауада серуендеуіне берілетін мүмкіндіктері көп. Әлі тамыз айының соңына дейін жалғасын тауып кезең-кезеңмен лагерлерге жолданатын балалардың жақсы демалып келуі үшін ұжым тарапынан арнайы білікті мамандар қызметтерін үлкен жауапкершілікпен орындауда. Ашу / Түсініктеме

2023-06-18 16:58:26 Ашу / Түсініктеме

2023-06-02 09:54:20 БАҚЫТТЫ БАЛАЛАР - БЕЙБІТ ЕЛДІҢ ТІРЕГІ

1 маусым - халықаралық балаларды қорғау күніне орай Жаңаөзен оңалту орталығында «бақытты балалар – бейбіт елдің тірегі» атты мерекелік шара ұйымдастырылды. Мерекелік шараны орталықтың директоры Жарқын Андрейқызы мекеменің бас директоры Қанат Ермекұлы, қоғаммен байланыс жөніндегі басқарушы директоры Дулат Амангелдіұлы, кәсіподақ ұйымының төрағасы Ержан Бисенбайұлы және «Қазақстан Халық Банкі» АҚ Жаңаөзен өңірлік филиалы директоры Айтмұхамбет Құрбанбайұлы ашып, балаларға құттықтау тілектерін жеткізді.

- Бала - біздің болашағымыз, үмітіміз. Балғындардың қуанышты жүзін көру кез келген жан үшін бақыт. "Адамның бір қызығы бала деген, баласыз көңіл шіркін толар ма екен" – дегендей бала үшін өмір сүріп, баласының болашағына алаңдамайтын адам болмайды. Ерекше бүлдіршіндеріміз осы орталықтан сауығып кету мүмкіндіктеріне ие болып, ертеңгі күнде еліміздің мақтан тұтар тұлғалары болып өсе деп тілеймін, - деді құтықтау сөзінде Қанат Ермекұлы.

Сән – салтанатқа толы мерекеде оңалту орталығының тәрбиеленушілері дайындаған арнайы концерттік қойылымдар тамашаланды. Сонымен қатар оңалту орталығының жыл сайынғы үрдіс бойынша балабақшаны аяқтаған 21 түлекке дипломдар табыстады. Одан кейін балалар тақпақ айтып, ортаға шығып, сүйікті мультфильм кейіпкерлерімен бірлесе ән салып, би биледі. Мерекеге әрдайым ерекше сыйлықтарымен келетін Бұрғылау ЖШС мен Халық банкі мекемелерінің басшылары балалардың барлығына сыйлықтар үлестірді.  

Кеш соңында ата-аналар ұйымдастырушыларға алғыстарын білдіріп, естелік суретке түсті. Жаңаөзен оңалту орталығының директоры Жарқын Андрейқызы: - Үнемі қолдау білдіріп жүретін осы екі мекемеге алғысымыз шексіз. Қай кезде де болмасын елеусіз қалдырмай, тілеулес екендіктерін білдіріп жүретіндіктеріне ризамыз. Осындай керемет кештің ұйымдастырылуына ат салысып, бүлдіршіндерге көтеріңкі көңіл-күй сыйлаған «Бұрғылау» мекемесі мен Халық банкіне зор алғысымды білдіремін», - деді.

Мекеме басшылары сондай-ақ, Қызылсай ауылының ерекше балалары бар үйлерді аралап, бүлдіршіндерді мерейлі мерекелерімен құттықтап, арнайы сыйлықтарын таратты.

#балалардықорғаукүні
#біздіңұжым Ашу / Түсініктеме

2023-06-02 09:53:19 Ашу / Түсініктеме

2023-03-16 19:28:44 АМАЛ МЕРЕКЕСІНЕ ОРАЙ ЗЕЙНЕТКЕРЛЕРГЕ ҚҰРМЕТ КӨРСЕТІЛДІ

14 наурыз күні "Ажар" мейрамханасында Амал мерекесіне орай, қойнауы құтты мекеніміздің байлығын игеріп, ел экономикасының өркендеуіне қомақты үлес қосып, ізгілікті іздерін қалдырған зейнеткерлер үшін арнайы дастархан жайылды. "KazPetroDrilling" АҚ бастамасымен қолға алынған ісшараны "Бұрғылау" және "МұнайФилдСервис" кәсіпорындары бірлесіп өткізді. Мерекелік шараға "Бұрғылау", "МұнайФилдСервис", "Өзенмұнайгаз" кәсіпорындарының және Жаңаөзен қаласының, Қызылсай, Теңге, Рахат ауылдарының 80 – ге шуық зейнеткерлері шақырылды.

Алғашқы құттықтау сөзді алған "KazPetroDrilling” АҚ вице президенті Қайырбек Елеусінов зейнеткерлерді бірліктің белгісіне, татулықтың таңбасына айналған Амал мерекесімен құттықтады. Мұнайлы өлкенің, қала берді бүкіл қазақ елінің дамып, гүлденуінде сіздердің үлестеріңіз ұшан-теңіз. Ұзақ жылдар бойы түбек мұнайын игеріп, ел экономикасын дамытуға қосқан өлшеусіз еңбектеріңіз үшін зор алғыс! Елге етер еңбегіңіз, келер ұрпаққа берер тәліміңіз алдағы уақытта да жалғасын табады деген сенім білдіремін – деді.

Алғашқы мұнай игерушілердің қатарына еніп, тыңға түрен салған алғаш бұрғышылардың бірі 94 жастағы Қойшыбаев Таңбай ақсақалдан бастап, Маңғыстау облысының құрметті азаматы Қарамұрзаев Болатбай, Жаңаөзен қаласының құрметті азаматтары Аманжан Өтесінов, Құрақ Тілеуқұловтар келіп, ұйымдастырушыларға ризашылықтарын білдіріп, ақ баталарын берді.

- Өмір деген – ауыспалы дүние. Басы қайсы, аяғы қайсы екенін білмейсің. Өз өміріңді билей де алмайсың. Уақыт дарияның ағысындай жылдам өтіп кеткенін байқамай да қаласың. Сонда көңілге қаяу түсірмейтін жалғыз себеп – артыңнан ілесіп келе жатқан көш. Олар сен салып кеткен ізбен келеді. Міне, қарттықтың жалғыз қуанышы осы болса керек, - деп бұрыңғы көштің жалғасына ризашылығын білдірді Қойшыбаев Таңбай ақсақал.

Көптен бері жүздескен зейнеткерлер бір-бірімен қауқылдасып, өткендерін естеріне алып бір жасап қалды. Ұйымдастырушылар тарапынан қонақтарға сыйлықтар таратылды. Сондай-ақ, қадірлі меймандар үшін Жаңаөзендік өнерпаздар ән, күйден шашу шашты. Ашу / Түсініктеме

2023-03-16 19:28:40 Ашу / Түсініктеме

2023-03-16 15:23:43 #хабарландыру Ашу / Түсініктеме

2023-03-16 09:06:31 #құттықтаймыз

БҰРҒЫЛАУ МЕКЕМЕСІНДЕ АМАЛ МЕРЕКЕСІ ТОЙЛАНДЫ

Жылдағы үрдіс бойынша таң сібірлеп атысымен 14 наурыз Амал күні  "KazPetroDrilling” АҚ вице президенті Қайырбек Елеусінов пен "Бұрғылау" ЖШС бас директоры Қанат Ермекұлы, мекеме орынбасарларымен бірге кәсіпорын автобекетінде қызметкерлермен көрісіп, Амал мерекесімен құттықтады. Мерекеге орай жыл сайынғы дәстүр бойынша автобекетте дастархан жайылып, қызметкерлер ұлттық тағам бауырсақ пен шұбаттан ауыз тиді. «Қырдағы ел ойдағы елмен араласып, күлімдесіп көрісіп, мауқын басып», -деп хакім Абай жырлағандай тіршілік бастауы көктемнің осынау мерейлі мерекесінде барлық цехтар мен бөлімдерде дастарқан жайылып бір-бірімен құшақ жая көрісіп, шынайы жүректен ақ тілектер ақтарылып мерекенің шырайын ашты.

Сонымен қатар Бұрғылау ұжымы саналы ғұмырларында тынымсыз еңбектерімен елді мекеніміздің негізін салуға жол ашқан Қызылсай ауылындағы ардагерлерімізге көрісіп, сый-құрмет көрсетіп баталарын алды. Тоқсан жастың төріне шыққан ардагерлеріміз еңбек жолдарын еске алып, ұлағатты әңгімелерін өрбітіп, мерекемен құттықтап келгендерге зор ризашылықтарын білдірді.

Амал - Қазақ халқының ежелден келе жатқан мерекелерінің бірі. Бұл – күн мен түннің теңелген тұсында, қыстың бейнеті мен қиындығынан аман-есен шығып, халықтың Наурыз мейрамы алдында мәре-сәре болатын күндерінің бірі. Амал – қол алысып, көрісумен ғана өлшенбейді. Бұл күні адамдар арасындағы бұрынғы өкпе-реніш кешіріліп, араздық ұмытылады, жақын жандар бір-біріне амандық-саулық тілеседі. Көрісу – ағайын мен туыс арасындағы байланысты бектітетін тамаша дәстүр. Ашу / Түсініктеме

2023-03-16 09:06:24 Ашу / Түсініктеме

2023-02-27 14:32:21 В феврале число действующих нефтяных и газовых буровых установок в США продемонстрировало самое заметное месячное снижение с июня 2020 года. При этом число газовых буровых упало до минимума с апреля

Совокупное число действующих нефтяных и газовых буровых установок, опережающий индикатор добычи, на неделе 18-24 февраля снизилось на 7 единиц, до 753 единиц. Несмотря на это снижение, общее число действующих установок на 103 единицы, или 15,8%, превышает показатель годичной давности.

Число действующих нефтяных буровых установок сократилось на 7 единиц, до 600 единиц, в то время как число газовых установок не изменилось, оставшись на уровне 151 единицы. При этом суммарное число нефтяных и газовых буровых установок в феврале в США снизилось на 18 единиц.

Число действующих нефтяных буровых установок в феврале сократилось на 9 единиц, в то время как число газовых установок также упало на 9 единиц, продемонстрировав самое заметное снижение по итогам месяца с апреля 2020 года. Ашу / Түсініктеме