2022-05-31 13:02:22
31 мамыр — саяси қуғын-сүргін құрбандарын еске алу күні1997 жылғы 5 сәуірдегі Жарлыққа сәйкес, 31 мамыр — саяси қуғын-сүргін құрбандарын еске алу күні ретінде бекітілген.
Деректерге сай, 1921-1954 жылдар аралығында КСРО-да шамамен 3 млн 700 мың кінәсіз азамат қуғын-сүргінге ұшырады, оның 600 мыңға жуығына өлім жазасы берілсе, басқалары ұзақ мерзімге бас бостандығынан айрылды.
Ресми дерекке сай, 1937-1938 жылдары елімізде 100 мыңнан астам адам қуғын-сүргінге ұшырады, оның төрттен бірі ату жазасына кесілді. КСРО Халықтық ішкі істер комиссариатының (ХІІК) жарлығымен қуғын-сүргінге ұшыраған адамдардың отбасы мүшелері де жауапқа тартылды.
Репрессияға ұшырағандар мен олардың отбасылары «арнайы еңбекпен түзеу мекемелеріне» қамалды. Мәселен, «АЛЖИР» — қуғын-сүргінге ұшырағандардың отбасы мүшелеріне арналған ең ірі ақмолалық лагерь; «Карлаг» — Қарағандыдағы еңбекпен түзеу мекемесі; «Степлаг» немесе «Дала лагері» — саяси тұтқындарға арналған Жезқазғандағы лагерь.
Бұдан бөлек, Қазақстанда 1993 жылы 14 сәуірде «Жаппай саяси қуғын-сүргін құрбандарын ақтау туралы» заң қабылданды. Репрессияға ұшырағандарды ақтау шаралары әлі де жалғасады.
152 views10:02
Б
