2021-04-12 16:08:30
#рамазан_келди
Рамазан айы сый-саўапларға толы болсын! Әзиз ўатанласлар! Аллаҳ таала биз ушын ғәнимет қылып берген қутлы Рамазан айы мүбәрек болсын!
Бәршемиз бул берекетли айда саўаплы, ийгиликли ислерге басқа айлардағыдан да көбирек ғайрат салыўымыз керек болады.
Әтирапымыздағы бәршеге жақсылық қылыўға, мүтәжлерди қоллап-қуўатлаўға, қапа кеўиллерди шад қылыўға бел байлаўымыз лазым. Керек болса, бундай пазыйлетли ислерде беллесиўимиз керек болады.
Ибадатларда беккем болып, қайырлы дуўалар ҳәм зикир-салаўатларда даўамлы болыўымыз тийис.
Аллаҳ таала саўапларды еселеп беретуғын бул мүқәддес айда бәршемизди тынышлық-аманлық ҳәм саламатлық неъматлары менен сыйласын!
Шаңарағымыз, елимиз, журтымыз абад, турмысымыз пәраўан болсын! Қарақалпақстан мусылманлары қазыяты қазысы, устаз Шамсуддин Баҳауддинов Телеграм| Facebook| Instagram| Youtube
Интернет сайтымыз: paziylet.uz
27.8K viewsНызам Алий, edited 13:08