2022-09-23 15:13:58
Қазақстанға келген келімсектерден бізге пайда бар ма? 22 қыркүйек 2022 жылы Ресей Федерациясының Президенті В.В.Путин «жартылай мобилизация» туралы шешімге келгеннен соң, аталған мемлекеттің азаматтары көрші елдерге жаппай көше бастады.
Көптеген телеграм чаттарда миграцияның пайдасы туралы агитациялық хаттар тарауда. Атап айтсақ, микро және макроэкономиканың диллемасы ретінде миграцияның плюс жақтары бар екен. Мысалы, микроэкономика тұрғысынан пәтерлерді жалға беру – қазақстандықтар үшін жақсы делінген хаттарда. Жалға беретіндер көбіне қазақстандықтар болғандықтан, ол ақша елде қалады.
Қазақстандық орта және ірі компанияларда қызметкерді жұмысқа алу кезінде үлкен таңдау болады, бұл еңбек нарығындағы бәсекелестікті арттырады. Пәтер сатып алуға деген сұраныс та артып, елге қосымша капитал келеді делінген.
Ал, халықтың 85% үйі жоқ, яғни пәтер жалдап тұратын азаматтар болғандықтан, пайданы(прибыль) тек артық үйі бар 15% азаматтар көреді. Пәтерді жалға алуға деген сұраныстың артуына байланысты, үй иелері пәтер ақысын бірден көтеріп жатыр.
Нарықтағы бәсекелестікке келетін болсақ, Қазақстанда халықтың 4,9% жұмыссыз, бұл 452 мыңнан аса адам деген сөз. Ресми деректерге сүйенсек бүгінгі күнге Ресейден келген келімсектердің саны 1.6 миллионнан асты. Біздің азаматтардың бәсекеге қабілеттілігіне ешкім кепіл бермейді. Бұл жұмыссыздар санының артуына, қоғамда туатын наразылықтарға әкеледі.
Пәтерді сатып ала алатын, капиталы бар ресейлік азаматтардың көп екеніне де ешқандай дәлел жоқ. Қаржысыз шекара асып келген орыстардың елімізде қылмыс істемейтініне кім кепіл бере алады? Құқық қорғау органдары 1.6 миллион ресейліктерді әрдайым бақылауда ұстай алады ма? Елімізде артық азық-түлік бар ма?
1.5K views12:13
G
