2021-05-29 10:21:30
Сөз менеджменті.
Ертеде бір патша болыпты. Күндердің бір күнінде патша жаман түс көреді. Көрген жайсыз түсінен мазасы қашып, көңілі алаң болып, түсін жоритын адам іздете бастайды. Сөйтіп өз елінің ең мықты түс жорушысын алдыртады.
Патша көрген түсін түс жорушыға түсіндіріп береді. Әлгі жорушы:
- Патшам, аз уақытта жақсы көретін жақындарыңыздың бәрінен айрыласыз, - дейді.
Бұны естіген патша қатты ашуланып:
- Әкетіңдер мына бәлені. Басын алыңдар оңбағанның! Одан кейін басқа түс жорушы табыңдар! - деп бұйырады.
Патша адамдары барлық жерге жар салып, хабар жібереді. Бірақ түс жоритын адам табылмайды. Патшаның алдына шығуға ешкімнің батылы жетпейді. Өйткені барлық түс жорушылар болған оқиғаны естіген еді.
Бір күні патшаның уәзірлеріне бір адам келеді. Ең мықты түс жорушылардың бірі екені белгілі болады. Уәзірлері әлгі адамды бірден патшаның алдына шығарады.
Патша көрген түсін ол адамға да бастан аяқ түсіндіріп береді. Патшаны мұқият тыңдаған түс жорушы:
- Тақсыр, сіздің түсіңіздің мағынасы былай: айналаңыздағы барлық адамдарға қарағанда сіз ұзақ өмір сүресіз, - деп жауап береді.
Бұл жауапты естіген патша қатты қуанып, адамға бір дорба алтын сыйлайды.
Түйін:
1. Копирайтингтің күші. Екі түс жорушы да бір нәрсені айтты. Бірақ біреуі патшаның қалағанындай шебер жеткізе білді.
2. Бір сөз адамның тағдырын шешеді. Демек адамның сөзі - ақылының таразысы.
3. Жылы-жылы сөйлесең жылан інінен шығады. Қатты-қатты сөйлесең адам дінінен шығады.
4. Бұрында қазақтың би-шешендері мен жыраулары бір сөзбен соғысты тоқтата білген. Сол үшін сөздің киесі бар деп бекер айтпайды. Сөзді тізбектей шебер қолдану өнерін меңгеруіміз керек.
Даму мен кемелдену жолындағы сапарымыз сәтті болсын!
https://t.me/almatzhai
584 viewsAlmat Zhailaubayev, edited 07:21
А
