2022-10-08 16:39:54
Бану Əбдіғали - Грант
Таңдау пəндері:
қазақ тілі мен əдебиетіҰБТ-да жинаған балы:
140/118Шығармашылық:
125/124Мамандық:
журналистикаУниверситет:
IITU/ХАТУ (Халықаралық Ақпараттық Технологиялар Университеті)
Қала:
Алматы"Менің ең басты қателігім – дайындығымның жүйесіздігі болды. Бір күні тарихтан тест шешсем, келесі күні ештеңеге зауқым болмай, көп уақытымды зая кетірдім. Қаңтарда жақсы балл жинап, әрі қарай дайындықты бәсеңдетіп қалдым.
Наурыздағы ақылы тестілеу мен гранттың бірінші мүмкіндігінде алған балым 100-ге де жетпеді. Бірақ, екінші мүмкіндігіме күніне бес-алты сағаттан дайындалып, барлық тақырыпты «жарық жылдамдығымен» қайталап шықтым.
Мына кеңестерді назарда ұстағаның жөн
Өзіңе айға, аптаға жоспар құрып ал. Мысалы, дүйсенбі күні – Қазақстан тарихына екі cағат арнасаң, сейсенбіде таңдау пәніңнің біреуін оқы.
Тест орталығы бекіткен кітаптардың тізімін алып, тек солармен ғана дайындалғаның дұрыс болар. Әйтпесе, қажеті жоқ кітаптармен уақытыңды жоғалтып алуың әбден мүмкін.
Егер гуманитарлық пәндер (қазақ\орыс әдебиетін) таңдасаң, түрлі дереккөздегі шығармаларға назар аудармай, жоғарыда айтып өткендей, тек бекітілгендерін оқып шық. Барлығының тізімін А4 қағазға шығарып алып, оқып болғандарыңды сызып отырсаң, өзіңе де оңай болады.
Менің басты қателігім – әртүрлі Телеграм арналар ұсынған шығармаларды оқуым болды.
Қазақстан тарихын қиын деп қабылдама. Иә, тарихты бастапқы кезеңнен қазірге дейін қалай миыма сыйғызамын деп ойлауың мүмкін. Егер жалпылай бәрін біліп, нақты оқиғаларға келгенде қателессең, басынан бастап оқы дер едім. Өйткені, ертеңгі күні нағыз тестілеу кезінде нақты бір оқиғаны түрлендіріп сұрағанда, «әттеген-ай» дейтініңе сенімдімін.
Курстардың аражігін ажырата біл. Бір курсты таңдап, қызығып жүрсең, сол жерде оқыған кем дегенде екі адаммен байланысып, пікірін біл. Қазір әлеуметтік желінің дамыған заманында бәрі курс, марафон жасап пайда тапқысы келеді. Сондықтан маркетингтің құлы болмас үшін эмоцияң мен қаражатыңды құртпауға шақырамын.
Ал егер ойланбай бір курсқа жазылып қойсаң, уайымдама. Берілген видеосабақтарды мүмкіндігінше толықтай ұғынып, эфирлерден қалмауға тырыс.
Сабақ, сабақ деп төрт-бес сағат қана ұйықтап, ас ішпей, өзіңді қинап жүрме. Сен – ата-анаңның байлығысың. Жеті-сегіз сағат ұйқыңды қандырып, уақытылы тамақтанып жүр. Тоқтаусыз, үзіліссіз оқи беру қажытып жібереді. Аптасына бір күн демалып, күшіңді қалпына келтіріп алғаның дұрыс.
Сынақ түріндегі тесттерді көбірек тапсыр. Алдағы қаңтар, наурыз тестілеулерінен қалмауға тырыс. Бұл сенің атмосфераны сезінуіңе, нағыз ҰБТ-да қатты қобалжып, стресс алмауыңа көмектеседі.
Иә, расында ҰБТ өмірде маңызды ештеңені шешпейді.Мемлекеттік бюджетте оқитындардың бәрі ақылды, ақылы бөлімдегілердің бәрі ақымақтар емес. Сондықтан, дайындалма демеймін, қолыңнан келгенше жасап көр. Ішкі мотивацияңды жоғалтып алма! Әрдайым бір іске кірісер алдында қандай нәтиже күтіп тұрғанын ойлап, барлық жұмысты шабытпен жаса. Сәттілік саған, жас түлек!"
Басқа да сұрақтарыңыз болса @banu_abdigali инстаграм парақшасына жазып сұрасаңыздар болады
942 viewsedited 13:39
K
