2021-09-03 11:16:47
Қарап отырсаңыз қыз баланың ақылды болғаны семьядағы талай ұрыс-керістің, мәселенің алдын алады екен.
Міне, содан кейін де екен ғой Шал ақынның:
Әйел алсаң таңдап ал ақылдысын,
Сол болар басқалардан жақын кісің.
Ағайынға, туысқа қайырылса,
Дүниеде нағыз сол ғой мақұл кісің!
- дейтіні.
Әйел ақылды болса күйеуі мен туыстарының арасына алтын көпір болады;
Әйел ақылды болса “Не мен, не анаң” деп күйеуін екі оттың ортасына қоймайды;
Әйел ақылды болса отбасының тілеуін тілеп, өсуді, өнуді қалайды;
Әйел ақылды болса, абысын-ажынымен шаңқ-шұңқ ұрсысып, ата-енесінің бетін қызартпайды.
Бірақ сондай ақылды жардың қадірін біліп, оны алақанына салып аялар алар ер қайда?
Әйел - сезімнің адамы болса, отағасы - суық ақылдың иесі. Кейде от боп жанған әйелдің ашуын су боп өшіре алатын, білмегенін кешіре алатын саналы азамат болса қане?!
Айналып келгенде, қызға да, жігітке де ақыл керек. Парасат пен терең даналық керек. Біреуі шалыс басқанда екіншісі қолын сілтей салмайтын, біреуі құлап бара жатқанда екіншісі сүйеу болып қолдайтын, бір-біріне мейіріммен қарап жаны ашып тұратын жұптың ғана ғұмыры ұзақ, бақыты баянды.
Ендеше, “Неге осы тек әйелдер ғана кінәлі болуы керек?” немесе “Неге осы барлығын еркек қана көтеруі керек?” деп кінәні жан-жақтан іздемеңіздер. Нағыз жұптың арасында «мен», «сен» деген ұғым жоқ. Оларда «БІЗ» деген ғана ұғым бар.
Алып-қосарыңыз бар ма?
#talimtv #тәлімтв #семья #отбасы #қазақпызғой #қазақшапсихология #достар #татулық #асыларна #asylarna #бізбіргеміз #мывместе
1.4K views“Talim TV” телеарнасы, 08:16