2023-01-25 08:04:57
Жақсылық ислеўге асығың
Дүньяда үлкен көлемдеги процесслер жүз бермекте, олар сондай үлкен, космос көлеминдеги уллы процесслер. Бул процесслер тез тоқтамайды. Буныӊ илажы жоқ.
Япон халқыныӊ мынадай нақылы бар: «егер аўыр нәрсе домалап келе атырған болса, демек ол келе береди».
Мегапроцесслер басланды ҳәм олар даўам етеди. Бул бизге унай ма я яқ па, көнлигиўге туўра келеди. Тәртип жоқарыдан орнатылады. Ҳәр тәреплеме орнатылады.
Бунда еӊ баслысы: ҳәмме нәрсениӊ көлеми артады, кеӊейди, мега-формаға, мега-фазаға өтеди. Ҳәмме нәрсе тез жүз береди, орынланады, әмелге асады, көбейеди, артады – мине бул усы процесстиӊ еӊ баслы өзгешеликлери. Нийет, сөз, ис-ҳәрекет – бәри геометриялық прогрессияда артады.
Сиз бул процесске, дәўирге, жаӊа жылға не менен кирген болсаӊыз, соныӊ бәри көп есеге көбейеди. Қорқыў, алдаў, жаман қыял, қыянет, ашкөзлик, үйшиликтеги кишкене сатқынлық – булардыӊ бәри егилген тухымлар. Олар тез өнип шығады ҳәм өсип кетеди, көлеми мыӊ есеге артып кетеди. Олар адамныӊ қысқа өмирин нәм-нәҳән қурымдай қаплап алады.
Ҳәр бир айтылған сөз оғада үлкен әҳмийетке ийе болады. Ҳәр бир исленген ис еселеп артады. Кишкене жаманлық үлкен жаўызлықты туўады ҳәм оны ислеген адамға қайтады.
Жақсылықтыӊ да есеси артады. Кишкене жақсылық үлкен терекке айланып, аспанға жетеди. Әдил айтылған ҳақ сөз, мәртлик ис-ҳәрекет, өзгелерге көрсетилген жәрдем, жыйнап қойылған азғана болса да пул, алынған билим ҳәм көнликпелер – бәриниӊ көлеми артады, еселеп көбейеди…
Әҳмийетлиси – сиз өзиӊиз жаӊа дәўирге не менен киргениӊиз. Сизиӊ қолыӊызда қандай тухым бар, сиз не екпекшисиз? Әне сол көбейеди, еселеп артады.
Сөздиӊ, ойдыӊ, истиӊ қәдирин билиўимиз керек. Ҳәттеки бизге әҳмийетсиз көринген, әйтеўир түйилгенлериниӊ де.
Себеби бул бизге әҳмийетсиз көринип тур. Бирақ усы кишкене нәрседен үлкен нәрсе пайда болады. Мине усы еӊ баслысы.
Саза январь 23
572 views05:04