2021-05-11 13:16:11
Түркістан облысында нұротандық депутаттар өрттен зардап шеккен үйді жөндеп берді«Nur Otan» партиясы Қазығұрт аудандық филиалының қоғамдық қабылдау бөлмесіне жалғыз басты ана П.Келесбаева хабарласты. Оның үйінде өрт шығып, тілсіз жаудың салдарынан тұрғын үй тұруға жарамсыз болып қалған. Жиһаздары да жанып кеткен. «Nur Otan» партиясы Қазығұрт аудандық филиалы төрағасының бірінші орынбасары, аудандық мәслихат депутаты
Есімхан Исақұлов тұрғынның өтінішін назарға алып, басқа депутаттарды да көмек көрсетуге жұмылдырды.
Нәтижесінде облыстық және аудандық мәслихаттың бір топ депутаттары қаржылай көмек көрсетіп, үйді толық жөндеуден өткізіп, қалпына келтіріп берді. Сонымен қатар, жергілікті депутат
Марат Нұрланұлының көмегімен тұрғын үй құжаттары да ретке келтірілді.
Халық қалаулыларына өз алғысын білдірген жалғызбасты ана халық, партияның аудандық филиалына арнайы барып, партия қатарына өтуге өтініш берді.
Қазығұрт ауданында депутаттардың атқарып жатқан игі істері аз емес. «Nur Otan» фракциясының өкілі, аудандық мәслихат депутаты
Айкүл Ақынғазиева қоғамдық қабылдауда Қарабау ауылының тұрғыны Қ.Жұматаевтың жағдайын тыңдады. Тұрғын екі жылдан бері денсаулығына байланысты мүгедектік ала алмай жүргенін, сондай-ақ, дәрі-дәрмек сатып алуға қаражаты жетпейтінін айтты.
Депутат Айгүл Күзенбаева Қ.Жұматаевтың толық медициналық тексерістен тегін өтуіне, тиісті төлемақыны алуы үшін мүгедектікті ресімдей алуына ықпал етті. Екі жылдан астам уақыт бойы шешілмеген мәселенің оң шешімін тапқанына ризашылығын білдірген тұрғын аудандық партия филиалына арнайы келіп, партия мүшелеріне алғысын айтты.
Еске сала кетейік, Түркістан облысында «Nur Otan» партиясынан облыстық, қалалық және аудандық мәслихаттарына
263 депутат сайланған. Олардың 37-сі - облыстық мәслихат депутаттары. 2021 жылдың 1 тоқсанында Түркістан облысында барлық деңгейдегі мәслихат депутаттары 410 жеке қабылдау өткізіп, тұрғындардың 1139 өтінішін қарады.
@nur_otan
230 viewsedited 10:16