2022-04-21 15:06:21
РАМАЗАН АЙЫНЫҢ АЯҚТАЛУЫНА 10 КҮН ҚАЛДЫ.
Құметті бауырлар аңсап күткен қасиетті Рамазан айының аяқталуына 10 күн қалды. Қайырлы айда сауаптан құр қалмайық.
Ғалымдардың айтуынша, жұп күннен тақ күнге өткен түн Қадір түні болмақ. Яғни, ол 20-сынан 21-іне, 22-сінен 23-іне, 24-інен 25-іне, 26-сынан 27-сіне, 28-інен 29-ына қараған түннің бірінде келмек. Яғни, Рамазан айының соңғы он күндігіндегі тақ күндерді назарда ұстаған жөн. Ал мұндай күндердің саны – бесеу.
Алла Тағала «Қадір» сүресінің 1-5 аяттарында:
«Біз шынында, Құранды Қадыр түнінде түсірдік. Қадір түнінің не екенін білесің бе? Қадір түні (қасиет және сауап жағынан) мың айдан да қайырлы. Сол түнде періштілер және Жәбірейіл Алланың әмірімен (жер бетіне Алла тағдыр еткен) барлық істерді атқару үшін түседі. Сол бір түн, ағарып таң атқанға дейін амандық-тыныштық түні болады» – деп баяндаған.
Қадыр түнінің мәртебесі туралы Пайғамбарымыз (оған Алланың салауаты мен сәлемі болсын) былай деген: «Айлардың мырзасы – рамазан, күндердің мырзасы жұма, түндердің мырзасы — Қадыр түні». Осы түні жасаған құлшылықтарымыз 83 жыл жасалған мінәжәттің сауабына татиды. Ал, бұл түнді жіберіп алған кісі көп нәрседен мақұрым қалады дейді.
Мың айдан да қайырлы Қадір түнінде тілеген тілектеріміз бен құлшылықтарымызды Алла Тағала қабыл еткей!
552 views12:06