# Ustaz jolı tańlawına ESLEW KÚNI Eslew kúni keship | 🌹🌸MSHBSH TA'RBIYASHILARI KANALI🌸

# Ustaz jolı tańlawına
ESLEW KÚNI
Eslew kúni keship barlıq paydadan,
Ótkenlerdi eske alıp joytaman,
Ata-babam ruwxların shad etip,
Qábirlerin zıyaratlap qaytaman.

Áste aralasań qábir arasın,
Qábir tasta súwretler tur telmirip,
Hey toqta,sabır et insan balası,
Mende bir kún sendey bolganman deyip...

Ótkenlerdi eslew aģla pazıylet,
Hasla ótmishsiz joqdur keleshek,
Ullı Jeńis kúni qaģılıp dabıl,
Tariyx betlerinen bergendey derek.

Jalģız ulın gúzetken qanlı urısqa,
Keler kóz aldıńa Hásiretli Ana,
Tashkentli ápiwayı temirshi usta,
Báhri ana hám jetim on tórt bala.

Otlı sawashlarda júrdi qan keship,
Watanımnıń márt,bahadır ulları,
Usı kúnler ushın janınan keship,
Ketti kop jawınger.Jeńis ornadı...

Eslep qabirlerge qoyıń gúldáste,
Ótkenler ruwxı bolsın bizden shad!,
Ata-baba ruwxı páklengen jerde,
Qáddiń hám qádiriń bálent adamzat!

Aliya Bekmaģanbetova Moynaq rayonı 15-sanlı mekteptiń baslawısh klass muģallimi

https://t.me/MSHBSH_tarbiyashilari_kanali
https://t.me/MSHBSH_tarbiyashilari_kanali