Watandı màrtler qorģaydı. Tınısh otırģan elge, Urıs ashtı fas | 🌹🌸MSHBSH TA'RBIYASHILARI KANALI🌸

Watandı màrtler qorģaydı.

Tınısh otırģan elge,
Urıs ashtı fashistler,
Keltirdi eldi ģàzepke,
Qural aldı qolģa màrtler.

Watan ushın "Alģa" desip,
Shiyrin jannan keshti olar,
"Hàmme nàrse front ushın!"
Úles qostı tıldaģılar.

Jas jas hàm ģarrı iske qayım,
Hayal-qızlar boldı tayın,
Jeñis ushın űles qosıp,
Màrtlik isledi hàr dayım.

Jetim qalıp balalar,
Kőz jas tókti analar,
Nàlet aytıp urısqa,
Ğarģıs ayttı adamlar.

Bir mıñ tórt júz on segiz kűn,
Tınbay sawash boldı elde,
Tıldan kelgen saģınısh xatı,
Kūsh berdi jawıngerge.

9-may Jeñis kūni,
Xalıq àrmanı orınlandı,
Birlesken gūreste jeñer dep,
Jeñis toyı toylandı.

Jeñis qımbatqa tūsti,
Eliw millyon jannan keshti,
Ana baladan,bala atadan,
Ayrılıp,ayralıq azabın shekti.

Sonıñ ushın hàr bir adam,
Tınıshlıqtı qorģayıq,
Watan ushın gūresken,
Veterandı sıylayıq.

El-xalqına eń hūrmetli,
E ń qàdirli sıylı adam,
Orden-medallarģa tolı óńiri,
Veteranlar izzettesiz siz mudam.

Babalar màrtligi màńgi jasaydı,
Onı umıtpaydı keleshek àwlad,
Ūlgi alamız màrtlik islerińizden,
Sonlıqtan da: ,,Minnetdarmız biz sizden".

Eldi qorģaw-eń àdiwli is,
Tınıshlıq ushın salamız kūsh,
Babalar isine sadıq bolıp,
Ana watandı qorģaymız biz.

Xojeli rayonı 29-mekteptiń
qaraqalpaq tili hàm àdebiyat
pàni muģàllimi Xudiyarova
Qızlargūl.


https://t.me/MSHBSH_tarbiyashilari_kanali