2022-07-16 14:30:13
"
Өмір саған ештеңе демейді, барлығын көрсетеді" Тәңірдің қайта қалпына келтіруге болмайтын сиясымен жазылған 5 күнде өте салатын "бірінші кезең". Аз ғұмыр бола ма әлде көп пе ол жағы қараңғы. Бірақ үлкен мән-мағына ұғындыратыны сөзсіз. Маңдайға қара сиямен ойып тұрып жазылғанымен кім болып, қандай өмір сүретінімізді білмейміз. Білмегендіктен, өмірдің ештеңе демегенінің кесірінен, сол сұрақтың жауабын іздеп, біраз уақыт сандалып, басымызды тау мен тасқа ұрарымыз хақ. Бірақ кей сәтте өмірдің ештеңе демегенінің пайдасы да мол дерсің. Әрбір қателік, шаттық, қайғы мен қуанышты ұмытпастай, қадірін ұғынсын деп "кинодай етіп көрсетейін" дегені шығар. Берілген уақытымызда сол "киноны" көріп жатырмыз делік. Бірінікі тым ұзақ, бірінікі қысқа дубляжды кино. Біреудің киносын сырттай тамашалай салу, тағы болса сын айту оп-оңай. Бірақ басты рөлді сомдау қиынның қиыны. Сондықтан болар өзгенің киносына ақылсынып, өзіміздің кинода дым бітіре алмай, мүгедектің не жындының кейпіне түсетініміз.
Мәнді һәм мағыналы өмір сүру қолымыздан келсін деп тілейік. "Екінші кезеңде" көрсеткенде ұялып қалмас үшін) Оның үстіне "бірінші кезеңге" қайта айналып келуге мүмкіндік жоқ. Қолда бар *Гаухар тастың* қадіріне жетейік.
Жанна Мейрбек
580 viewsЖанна Мейірбекқызы, edited 11:30