2022-02-21 10:52:44
Ғашық философтанСен маған күтуді үйреттің
Қалағанның бірден болмайтынын.
Ұзақ уақыт жүрегімді күзеттім
Білгендей тек сен үшін жаралғанын.
Сен маған шыдауды үйреттің
Шектеумен ғана адам өсетінін.
Жанбас үшін махаббат шоғына
Сезімімді ақылға билеттің.
Сен маған сүюді үйреттің
Көздермен-ақ барлығын түсінісетін.
Қосылсын деп жүректеріміз біздің
Үнсіз ғана жаныңмен тілдестім.
Сенсің
Ақылшым, қолдаушым, хәкімім
Тербететін, сүйетін, өсіретін
Менен тек бір жақсыны көретін
Сабырменен өмірді үйрететін.
39 views07:52