Майор Қодиров

2020-01-12 12:03:26 Косонда зўрланган 15 ёшли қизнинг 21 ҳафталик хомиласи нобуд бўлди

Қашқадарё вилояти Косон тумани туғруқ комплексига 9 январь куни тун ярмида вояга етмаган, 15 ёшли, Саодат исмли хомиладор қиз мурожаат қилади. Туғруқхонада ўз вақтида тиббий ёрдам кўрсатилганига қарамай, Саодат 21 ҳафталик хомиласидан айрилади.

Маълум бўлишича, Саодат ўтган йилнинг 5 сентябрь куни «Арабхона» маҳалласидан ўтувчи йўлда ўзини «Беҳруз» деб таништирган йигит машинасига минган. Беҳруз Саодатга уни яхши кўришини айтиб, шу атрофдаги уйига олиб бориб кийимларини мажбурлаб ечиб, қизнинг номусига теккан. Қўрқиб қолган Саодат ушбу ҳолат бўйича ҳеч кимга ҳеч нима демаган.

Ўзини Беҳруз деб таништирган йигит шу маҳаллада яшовчи Сардор бўлиб чиқди. Ҳозирда унга нисбатан Жиноят кодексининг 118-моддаси 3-қисми “а” банди билан жиноят иши қўзғатилиб, тергов олиб борилмоқда.

Майор Қодиров Ашу / Түсініктеме

2020-01-11 18:23:26 Бу чоллар ёмон чоллар: Чинозда бирга ўтириб ичган иккита отахон уришиб қолиб, биринчиси иккинчиси пичоқлаб ўлдирди

Чиноз туманидаги маҳалларнинг бирида 10 январь куни икки отахон – 1969 йилда туғилган, нафақахўр – Ғани амаки ва унинг қўшниси 1968 йилда туғилган – Комил амаки ўтириб олиб роса ичишади.

«Ўтириш» тугаб, уйга йўл олган амакилар мошинда гап тортишиб қолишади. Йўлда машинани тўхтатиб, маҳалла стадиони олдига тушиб, кўчада уришиб кетишади. Жанжал пайти Ғани амаки машинадаги ошхона пичоғини олиб, Комил амакини орқасидан бориб, чап бўйин соҳасига пичоқни бир маротаба тиқиб, қасддан ўлдиради.

Ҳолат юзасидан тумани прокуратураси томонидан Жиноят кодексининг 97-моддаси 1-қисми билан жиноят иши қўзғатилган. Тергов олиб борилмоқда.

Аввалроқ, Иштихонда ҳудди шундай ўтириб ичишлар оқибатида сингил ўз опасини йигитадан рашк қилиб, пичоқлагани ҳақида хабар берилганди.

Майор Қодиров Ашу / Түсініктеме