Майор Қодиров

2021-02-22 11:59:37 ​Тошкент вилоятида 2 йигит уларни дўппослаган эркакнинг мебель дўконини ёқиб юборди

(Эслатма: Қуйида келтирилган барча шахсларнинг исмлари ўзгартирилган)

Тошкент вилояти Зангиота туманида 14 февраль куни соат 19:00 да сотувчи Сирожиддин гумма сотишга мўлжалланган столини йиғиштириб, аравага ортаётган вақтда Ҳумоюн ва Жонибек «Lacetti» машинасида келиб, Сирожиддинни тўхтатган. Бу вақтда Сирожиддин машина ойналарини аравада бўлган стол билан уриб синдирган ва Ҳумоюнга ҳам жароҳат етказган. Жанжалга Сирожиддиннинг қариндоши Баҳром ҳам қўшилиб, қўлидаги темир қувур билан Ҳумоюнга тан жароҳати етказган.

Ушбу жанжалдан сўнг 15 февраль куни соат 4:50 да Ҳумоюн ва Жонибек қасд олиш мақсадида Баҳромга тегишли мебеллар дўконига қасддан ўт қўйиб, жами 500 миллион сўмлик моддий зарар етказган ва ҳодиса жойидан яширинган. Ёнғин оқибатида ушбу мебеллар дўконига туташган сотув маркази биносининг бир қисмига ҳам ёнғин ўтиб, 100 миллион сўм моддий зарар етказилган.

Ҳолат юзасидан Зангиота тумани ИИБ ҳузуридаги тергов бўлими томонидан Ҳумоюн ва Жонибекга нисбатан Жиноят кодексининг 173-моддаси (Мулкни қасддан нобуд қилиш ёки унга зарар етказиш) 2-қисми «в» банди билан жиноят иши қўзғатилган. Дастлабки тергов жараёнида улар жиноят ишида айбланувчи тариқасида ишда иштирок этишга жалб қилиниб, уларга нисбатан қамоққа олиш тарзидаги эҳтиёт чораси қўлланилган.

Шунингдек, Сирожиддин ва Баҳромга нисбатан Чилонзор тумани бўйича Ички ишлар органлари фаолиятини мувофиқлаштириш бошқармаси ҳузуридаги Тергов бўлинмаси томонидан Жиноят кодексининг 277-моддаси (Безорилик) 2-қисми «б,в» бандлари билан жиноят иши қўзғатилган. Ҳозирда тергов ҳаракатлари давом этмоқда.

Майор Қодиров Ашу / Түсініктеме

2021-02-18 23:51:20 Хоразмда синглисини тунда бегона машинадан тушганини кўрган ака ҳайдовчини уриб ўлдирди

Хоразм вилояти Шовот тумани Гулистон маҳалласида 15 февраль куни соат 03:30 да 30 ёшли Дилмурод (исм ўзгартирилган) синглиси «Damas»дан тушганини кўрган.

Машина ёнига бориб, ҳайдовчи — 36 ёшли Бахтиёр (исм ўзгартирилган) билан жанжаллашган ва ёғоч бўлаги билан унинг бошига уриб, тан жароҳати етказган. Бахтиёр олган тан жароҳатлари оқибатида ҳодиса жойида вафот этган.

Мазкур ҳолат юзасидан Шовот тумани ИИБ ҳузуридаги тергов бўлинмаси томонидан айбдорга нисбатан Жиноят кодексининг 104-моддаси 3-қисми «д» банди (Қасддан баданга оғир шикаст етказиш) билан жиноят иши қўзғатилиб, тергов ҳаракатлари олиб борилмоқда. Унга нисбатан қамоққа олиш тарзидаги эҳтиёт чораси қўлланилган.

Майор Қодиров Ашу / Түсініктеме

2021-02-18 13:05:19 Каттақўрғонда 16 ферваль куни қўлбола қилич кўтариб юрган, 1983 йилда туғилган маст эркак қўлга олинибди.

Қилич қинидан чиқди

Майор Қодиров Ашу / Түсініктеме

2020-07-18 21:13:27 Қорақалпоғистон Республикаси Жўқорғи Кенгеси раиси Муса Ерниязов Нукус шаҳридаги клиникада ва Сурхондарё вилояти ҳокими Тўра Боболов Тошкент шаҳрида коронавирусдан даволанмоқда.

«Бугунги кунда уларнинг ҳолати стабил деб баҳоланмоқда» — дейилади Соғлиқни сақлаш вазирлиги ахборотида.

Майор Қодиров Ашу / Түсініктеме

2020-07-18 21:06:06 Сурхондарё вилоятининг Музработ тумани ҳокимлигининг иқтисодиёт бўлими бошлиғи лавозимида иш юритган 35 ёшли Санжар Саломов коронавирус асоратларидан вафот этди. Аввалроқ Соғлиқни сақлаш вазирлиги Санжар Саломов 28 июнь куни томоғида оғриқ сезган, нафас йўллари яллиғланган, аммо ҳеч кимга мурожаат қилмай, уйида ўзича даволангани ҳақида хабар берганди.

2 июль куни саломатлиги ёмонлашган Санжар Саломовнинг, туман тиббиёт бирлашмасига мурожаат қилади. Унда COVID-19 тасдиқлангач вилоят юқумли касалликлар шифохонасига ётқизилиб, COVID-19 оғир кечиши ташхиси қўйилади. Касаллик икки томонлама пневмония оғир кечиши, ўткир нафас, юрак-қон томир етишмовчилиги асорати билан кечган. Шунингдек, бемор қандли диабет, семизлик ва сурункали пиелонефрит каби ҳамроҳ касалликлар билан ҳам оғриган.

Майор Қодиров Ашу / Түсініктеме

2020-04-03 14:51:01 Тошкентда 24 ёшли эркак унинг оилавий можаросини ўрганиш учун келган ички ишлар ходимини пичоқлаб, ходимга тан жараҳоти етказди.

Сергели туман ИИБ тезкор ходими Баҳодир (исми ўзгартирилган)га фуқаро Нигина (исми ўзгартирилган)дан мурожаат қилиб, турмуш ўртоғи Маъруф (исми ўзгартирилган) уни зўрлаб, номусига теккани ҳақида ариза берган.

Эр-хотин бир кун аввал Сергелида бир кунга ижарага олинган квартирада тунаган ва у ерда жанжаллашиб қолган. Эртаси куни аёл Сергели туман ИИБга ариза билан мурожаат қилиб, эри уни зўрлаганлиги ҳақида хабар берган.

ИИБ ходими ариза асосида 30 март куни соат 14:00 аёл ва унинг эри яшайдиган Юнусобод туманидаги хонадонга борганда, маст бўлиб ётган 24 ёшли Маъруф ходимни хотинининг ўйнаши деб ўйлаб, унга ҳужум қилган ҳамда ошхона пичоғи билан унинг чап кўкрак пастки қисми ва қорин соҳасига икки маротаба уриб, тан жароҳатлари етказган.

Мазкур ҳолат юзасидан 31 март куни Тошкент шаҳар прокуратураси томонидан Маъруфга нисбатан Жиноят Кодексининг 104-моддаси 2-қисми «б» банди билан жиноят иши қўзғатилган. У процессуал тартибда ушланган.

Майор Қодиров Ашу / Түсініктеме

2020-04-03 13:23:30 Қашқадарёнинг Шаҳрисабз туманида рашк сабаб хотинини аввал стулга боғлаб, сўнг арқон билан бўғиб ўлдирган эркак қўлга олинди.

Шаҳарнинг «Тепарлик» маҳалласида яшовчи 46 ёшли Умар (исм ўзгартирилган) 1 апрель, чоршанба куни соат 12:00 ларда 39 ёшли турмуш ўртоғи Гулноза (исм ўзгартирилган) ни рашк қилиб, у билан жанжаллашади. Шундан сўнг, хотинини ўлдириш мақсад қилган эр аввал уни стулга мажбуран ўтқизиб, қўл ва оёқларини боғлайди. Сўнг арқон бўлагинининг бир учини унинг бўйнидан ўтказиб, қасддан бўғиб ўлдирган.

Ҳолат юзасидан шаҳар прокуратураси томонидан Умарга нисбатан Жиноят кодексининг 97-моддаси 1-қисми (Қасддан одам ўлдириш) билан жиноят иши қўзғатилган.

Майор Қодиров Ашу / Түсініктеме

2020-04-02 10:45:26 Диққат! 17 ёшли мактаб ўқувчиси қидирилмоқда!

Сирдарё вилояти, Гулистон шаҳар, Боғишамол маҳалласида яшовчи, 2003 йилда туғилган шаҳарнинг 8-сонли умумтаълим мактаби 10А-синф ўқувчиси Фотима Ҳамроқулова қидирилмоқда!

Фотима 17 март куни соат 19:20да уйидан чиқиб кетиб, бедарак йўқолган.

Унинг алоҳида белгилари:

Белигилари: Бўйи тахминан 155x160 см., гавдаси тўлачадан келган, юзи юмалоқ, сочи ва қоши қалин қора рангда, кўзи қора рангда, қулоғи ва бурни ўртача катталикда.

Кийимлари: Эгнида жигарранг куйлак, куйлак устидан оқ рангли спорт кийими, қора рангли гамаж, оёғида кулранг спорт пойафзали бўлган.

Шу қизни кўрганлар, қаерда эканини билганлар бўлса, 102 телефон рақамига қўнғироқ қилишлари сўралади.

Майор Қодиров Ашу / Түсініктеме

2020-01-14 16:15:40 Байрам муборак!

Майор Қодиров Ашу / Түсініктеме

2020-01-13 16:36:57 Самарқанддаги яхмалак йўлда ўнлаб автомобиллар бир-бирига урилди

Самарқанд вилоятининг Нуробод тумани ҳудудидан ўтувчи А-378 автомобиль йўлининг 19 километрида 13 январь куни соат 13:20 лар атрофида яхмалак йўлда ўнлаб автомобиллар бир-бирига урилиб, катта ЙТҲ содир қилди.

Аниқланишича, қозоғистонлик ҳайдовчи бошқарувидаги «Mercedes-Benz» юк машинасининг орқа қисмига қашқадарёлик ҳайдовчи Бобомурод Эрданов бошқарувидаги «Nexia-2» машинаси урилиб ЙТҲ содир қилган. Оқибатда «Nexia-2» ҳайдовчиси ва машинадаги йўловчилар Назира Ҳасанова, Қахрамон Боймирзаев ҳамда Раъно Чориевалар жароҳаланган.

Ҳайдовчи «ўнг билак соҳасини синиши» ташхиси билан, йўловчи Назира эса «кўкрак қафаси ёпиқ шикастланиши, кўплаб қовурға суякларининг синиши» ташхиси билан шифохонага ётқизилган. Йўловчилари Қаҳрамон ва Раънога уйига жавоб берилган.

ЙТҲга учраган бошқа ўнлаб машиналарнинг ҳайдовчилари ЙҲХБ ходимларини кутмасдан, ўзаро келишиб, йўлида давом этишгани айтилмоқда.

Майор Қодиров Ашу / Түсініктеме