2022-02-24 19:11:25
#өзектіжаңалықтар
Мен бірнеше пост жазып айтып жүрген соғыс басталды. Соғыс болмайды деп ойлағанмын. Оның нақты бірнеше себебі болған. Бірақ Путин Вабанкке барды. Бұл әрекетін ақылды адамның әрекеті деп айтуға болмайды. Кәзір жан-жақтан неше түрлі ақпар келіп жатыр. Көбіне сеніп қажет емес деп ойлайм, әсіресе Ресейлік БАҚ.
Енді өзім тоқталғым келетін бірнеше нүкте.
1) Бұл соғысты жалғыз тоқтата алатын тарап Ресей халқы. Оның ішінде танымал адамдар қоғамдық пікір көшбасшылары. Дәл кәзір бірнеше танымал адам қарсылығын айтып Ресей көшелерінде митингтер өтіп жатыр. Путин жалпы халқын тындайтын адам емес, сонда да халық үлкен көлемді наразылық берсе соғыс тағдырына әсер ете алады. Егер дәл кәзір Ресей халқы қозғалмаса соғыстан кейінгі жауапкершілікті бірге тартатын болады, тіпті жауапкершіліктен бұрын әлеуметтік мәселелер астында қалады. Путин мен элитасы жеткілікті қор жинап алған енді зардап шегетін тек халық.
2) Зелинский өте дұрыс шешімдер қабылдап жақсы үндеулер ұсынуда. Тарихта кахарман президент ретінде қалады деп ойлаймын. Украинаның профокацияға ермегені, уақытылы шешімдері әлемдік қауымдастық қолдауына ие болуда. Рухтандыру мәселесі де жақсы шешілуде. Әрбір Украин азаматы отаның қорғауға дайын деп ойлаймын, ал мемлекет оларға қару беруге дайын.
3) Әлем елдері ірі компаниялар санкциялар легін жаудыруда. Нәтижесі айтарлықтай болады. Енді Ресей оқшауланған, бұрышқа тығылған ел. Алдағы уақытта технологиялық санкция салынса Ресей дамушы ел қатарынан шығып қалатыны анық. Қытай сияқты технологиялық базасы жоқ мемлекет үшін әлем елдерінің технологиясы ауадай қажет. Банк жүйесінің құлдырауы мен экономиканың тас талқан болатын уақыты алыс емес. Соғыс қымбат ойын, ал ақша сүйер Ресей элитасы ұзақ уақыт ақшаларының азайып жатқанына қарап отырмайды деп ойлайм. Сауда қатынасында да халқы қатты көп емес өндіріс деңгейі орташа ел үшін үлкен мәселелер дайын.
Енді бірнеше болжам)
1) Бұл соғысты толық жеңілетін бір тарап болса ол Ресей. Себебі оны есі дұрыс ел қолдап отырған жоқ және 21 ғасыр соғысатын ғасыр емес екенің әлемдік қауымдастық нақты біледі. Ешбір қоғам Ресейді қолдаған билікті аяиын деп отырған жоқ. Ал соғыста қолдаусыз жену қиын. Естеріңізде болса 1979 жылы бір ел Ауғаныстанда соғыс бастаған ал ол ел кәзір тек тарихта қалды.
2) Путин билігінің уақыты санаулы деп ойлайм. Мына оқиғадан туындайтын мәселелер Ресей халқының үлкен наразылығын тудырады. Ресей тұтастығын сақтайтының өзі сұрақ, тіпті сақтағанының өзінде Путинді орынынан қозғайтындай халық наразылығы болатын сияқты.
3) Соғыс ұзақ болуы мүмкін. Және Ресей толық Украинаны жаулауға тырыспауыда мүмкін. Шығын көп болатын сияқты, әлбетте моральдық құндылығы төмен адам соғысты бастап отырғаны бұған дәлел.
4) ОДКБ көмек сұрауы мүмкін деп ойлайм. Беларусь бірінші болып әскер беретіні сөзсіз. Басқа елдер нейтралитет сақтайды деп ойлайм. Және Қазақстан да осы оқиғада татуластырушы ретінде тырысып көрегеннен артыққа бармайды. Ал біздің ел солтүстікте әскерді дамыту туралы шешімге келу керек деп ойлайм.
Бәрі тез аяқталып бейбітшілік орнаса екен, әскерлер отбасына тезірек қайтса деген тілек. Бірақ өкінішке орай алғашқы қадам жасалды, тек тез шешілгенің, барынша аз шығын болғанын ғана тілейміз енді…
215 viewsҚуаныш Молдакашев, 16:11