Kongressman

2022-06-08 08:10:01 Бүгін Абай облысы құрылып, қаламыз Семейдің облыс орталығы атауын алған күн!
Бәрін мазалаған ең маңызды сұрақ әкім кім болады деген. Кей ақпарат көздеріне сенсек 10 маусым күні тағайындалады дейді. Бірнеше кандидаттар да халықтың ауызында жүр. Д. Тұрлыханов, Н. Сабильянов немесе Б. Сапарбаев деген нұсқалар болмайтыны 99% анық нәрсе. Мен төменде халық айтып жүрген болу ықтималдылығы жоғары бірнеше үміткерге тоқталғым келіп отыр.

Бірінші нұсқа кәзіргі қала әкімі Б.К.Байахметов. Бұл кісінің облыс әкімінің орынбасары және бірнеше жердің әкімі болғанын білеміс. Халықтың да бұл кісіге көз қарасы тұрақты емес. Менің ойымша Бақытжан Кәкенқажыұлын тағайындағанның өзінде тек уақытша күзде болуы ықтимал сайлауға дейін ғана деп ойлаймын. Жалпы болу мүмкіндігі 10 балдан 2 бал деңгейінде деген ойдамын.
Екінші үміткер Д.А.Калетав. Бұл кісінің соңғы жұмыс орындары әкім болу ықтималдылығын төмендетеді деген ойдамын. Үлкен бірнеше лауазымда жұмыс жасаған Дархан Аманұлының да облысқа беретін пайдасы болатыны анық. Дегенмен ықтималдылық 10-нан 4 деген ойдамын.
Үшінші үміткер Н.Т.Уранхаев. Бізге қатты танымал болмаса да бірнеше жауапты қызметте істеген адам. Нұрлан Телманұлының басты артықшылығы мен көріп отырған қала құрылысы саласындағы тәжірибесі мен ірі кәсіпорындарда басшы болуында. Бізге қала мен облыстың дамуы үшін кәсіпорындардың қалпына келуімен құрылыс жұмыстарының дұрыс жүруі қатты маңызды. Менің ше бүгінге дейін айтылған үміткерлер ішінде ең жақсы және біздің аймаққа керек еңбек өтіл осы кісіде. Ықтималдылық 10-нан 7 деп ойлаймын.
Ең бастысы қандай әкім келсе де біздің аймақпен таныс, мәселелерін толық білетін және дамыту ниеті бар адам келсе деген үміттеміз. Облысты алдық енді облысқа сай дамысақ деген сенім ғана ойымызда. Ашу / Түсініктеме

2022-06-07 07:48:08 Спорт ұлт пен мемлекетті біріктіруші, бірге қуантатын немесе өкіндіретін үлкен күш. Спорт біріктіру құдыретінің артықшылығы лезде және маштабты жұмыс жасауында. Ал спорттың ішінде командалық спорттардың, онын ішінде футболдың орыны ерекше. Біздің құраманың соңғы жеңістеріне барлығы қуануда тіпті конституциялық өзгерістер екінші орынға қалып қойған сияқты) Бұл жеңістер жаңа Қазақстанның әсері ма жоқ па білмеймін. Бірақ жігіттерге намыс пен кәсібилік үшін алғысымыз шексіз. Ел футболындағы тұрақсыз уақыттар осымен тоқтап, тұрақты даму кезеңі басталса деген тілек. Басында ешкім қолдамаған Адиев мырзаның үлкен мотиватор екенің еңбек жолынан көруге болады, ал біздің жігіттер үшін мотивация әркез жетіспей қала беретін.
Жігіттерге алдағы ойындарда сәттілік, жарақаттан аман болсын деп тілеймін. Ал жанкүйерлерден жеңіске қалай қуансаңыздар, жеңілісте соншалықты қолдау білдірейік.

Қалай ойлайсыз іріктеу нәтижесінде нешінші орында тұрақтаймыз? Ашу / Түсініктеме

2022-05-27 13:58:51 Ашу / Түсініктеме

2022-05-12 11:57:34 Kongressman pinned Deleted message Ашу / Түсініктеме

2022-05-10 12:18:01 Конституция - ол мемлекеттік жүйенің болмысы және елдің бейнесі. Ата заңның әділетті және халыққа ыңғайлы болуы бірінші кезекте біздің қызығушылығымызда. Президенттің конституцияны өзгертуге негізделген бастамасы орынды деп ойлаймын.
Біріншіден Жаңа Қазақстан деп аталатын мемлекетіміздің жаңа кезеңі демократиялық құныдылықтарға негізделген. Ал кәзіргі конституцияда оған қайшылық беретін пунктар аз емес. Екіншіден бұл заңды парламенттің өзі ғана шешпей халық талқысына салуы жаңа мемлекет құруда әрбір Қазақстан азаматының үлесі болуы керек екенің көрсеткендей. Әрбір сайлау мен референдум халықтың саяси белсенділігін оятатын ең үлкен шаралар екені сөзсіз. Және осындай маңызды өзгерістер халықтың талқысы мен қатысуымен өтуі маңызды.
Президент әр сөзінде біз жаңа Қазақстан құрамыз деп айтып жүр. Мен емес біз. Яғни жалпы халықты әр маңызды шешімге қатысуға шақыруда. Конституциядағя өзгерістер заңдық өзгерістер ғана емес саяси элиталар арасындағы ауа-райын өзгертуден бастап өте көп адамға кері нәтиже беретін себептерді туындатуы мүмкін. Сондықтан дәл кәзір біздің халықтың қолдауы президентімізге қатты керек. Бізде өзгерісті қалайтынымызды көрсетуіміз керек.
Құрметті жаңа Қазақстанның патриоттары және әлі де күмәнмен қарап отырған азаматтар! Бізге ескі жүйеге талабымызды және жаңа болашаққа деген үмітімізді көрсете алатын үлкен мүмкіндік туып тұр. Ол үшін 5 маусым күні сайлау учаскесіне барып дұрыс таңдауымызды жасау жеткілікті. Менде референдумға қатысам және сізді де ел болашағының қалану шарасына қатысуға шақырамын! Ашу / Түсініктеме

2022-04-28 18:41:29 14 мамыр күні ШҚО кірістер департаментінің қолдауымен Сыбайлас жемқорлыққа қарсы мәдениет қалыптастыруға бағытталған қалалық пікірсайыс турнирі ұйымдастырылады. Турнир БПФ форматында өтеді және 16 фракция қатысады. Турнирға тіркелу үшін төмендегі сілтемеге өтіңіздер!

https://docs.google.com/forms/d/e/1FAIpQLSeHT9_okkUr4EBFyRHGfZyJw0t7g5jxNeflJwVRGQlEy7Rw1w/viewform?usp=sf_link Ашу / Түсініктеме

2022-03-30 11:09:12 Интеллектуал ойын өткізетінімізді білетін шығарсыздар. Жаңа маусымды дәстүрлі форматта қайта бастадық. Алдағы ойын 3.04.2022 күні сағат 14:00-де Шәкәрім университетінің Тәңірберген 1-де орналасқан ғимаратында өтеді.
Команда жинап қатысу ниеттеріңіз болса маған 87003005094 номеріне жазыңыздар! Ашу / Түсініктеме

2022-03-16 20:48:10 Семей таланттылар мен білімді, білекті де жүректі азаматтардың қаласы екені бәріңізге белгілі. Семей ұстаздарының білімі, Семей жігіттерінің мінезі, Семей түлектерінің біліктілігі туралы елімізді бар аймағына мәлім. Бірақ кәзір мен өзім өте жақсы білетін екі саладағы Семейліктер туралы жазғым келді. Бұл екі сала Семей жастарының потенциалы мен өз қаласына деген патриоттық сезімдерінің айқын көрінісі. Және облысқа бағынбай тікелей қалада дамыған жастар қозғалыстары болып табылады. Олар еш жерден үлкен қолдау күтпей өз қаласының намысын бүкіл республикада қорғап жүрген жандар.
Біріншісі Ерке аға бастаған Жайдарман немесе жалпы әзіл саласы. Семей командалары басқалардан ерекше стильімен, мағыналы әзілімен барлық жерде құрметке ие. Кәзіргі Стендапта да Семейліктердің көп болуы, түрлі жобалар арасында Семей әзіл мектебінің түлектерінің бар екені соның дәлелі. Семейден шыққан әрбір жайдарман командасы мен әзіл саласындағы жігіттері қаланы бүкіл мемлекетке танытты және мойындатты. Бұл жігіттерді бірінші кезекте Семейліктер деп таниды. Бұл Жайдарман қозғалысының қаламызды жақсы жағынан танытудағы үлесі өте үлкен.
Екінші сала өзіміздің дебат (пікірсайыс). Семей пікірсайыс қозғалысы Шығыстан бөлек мойындалады және саналады. Семей мектеп лигасының түлектері Астана мен Алматыға барып өздерін дәлелдеген жастар. Ал Семей пікірсайыс қозғалысы дамуы мен тұрақтылығы жағынан ең үздік аймақтардың бірі екеніне кез-келген Қазақстан пікірсайысшысы кепілдік береді. Бұған Семейде пікірсайыс ойнаған әрбір пікірсайысшының үлесі зор деп білемін.
Осы екі қозғалыс үш Республикалық дәрежедегі қала және үлкен облыс орталықтарымен тең дәрежеде бәсекеге төтеп бере алды. Бұдан бөлек өнер, спорт және білім саласында да жетістікке жетіп жатқан жастар жетерлік. Менің айтқым келген Семей жастары бүгінге дейін өз мүмкіндіктерін нақты көрсете алды, ендігі уақытта осы мүмкіндікпен бірге екі есе дәлелдейді деп ойлаймын. Бұл тек мүмкіндік ғана емес бұл енді үлкен жауапкершілік.
Әр саладағы Семейлік азамат осы жауапкершілікті сезіне отыра қаланың және ендігі уақытта құрылатын Абай атындағы облыстың дамуына жұмыс жасауы керек деп ойлаймын. Облысты жылдар жүріп сұрап алдық, енді оны үздік ету және дамыту тек біздің қолда.
Әр Семейлікті осы үлкен қуанышпен құттықтаймын! Президентке осы шешім үшін алғыс білдіремін! Ал жастар қозғалыстарының жолын Семей футболына берсін деп тілеймін)) Ашу / Түсініктеме

2022-03-16 12:39:52 Жолдауда мен берген болжамдардың біразы орындалмады. Бірақ бәрібір өте қуаныштымыз) Ұзақ аңсаған арманымыз туған қаламыздың облыс орталығы болуы. Жолдаудың өзі, неге бұндай форматта екені туралы кейінірек эмоциялар басылған жазармын. Енді неге жаңа облыстардың құрылуы жақсы шешім екеніне тоқталсам.

1) Бүгін ашылған облыстар бұрын болғаның бәріміз білеміз. Оны біріктіру себебі көрші облыстардағы өзге ұлт өкілдерінің басымдылығы мен түрлі геосаяси қауіптер тұрды. Осы шешімнің арқасында халықтардың араласуы орын алып сепаратизмнің төмендеуі болды деп айта аламыз. Енді облысты бөлу туралы шешім сыртқы қауіптің төмендеуі деп білемін. Өскеменге көз тігу жоқ екені белгілі, сонда да көз тіге қалса ешқайда кетпейтіні анық.
2) Жезқазғанда Семейде дамуы жағынан қарқыны жоғары емес. Ал оларды облыс ету арқылы біз нақты екі қаланың дамуына үлкен серпіліс береміз деп ойлаймын. Қапшағай мен Талдықорғанда да жаңаша даму болатыны сөзсіз. Жаңа жұмыс орындары, көбірек бюджеттің бөлінуі аймақтардың дамуында аса маңызды. Біз көңіл бөлсе көркейте алатынымызды Түркістаннан көрдік. Енді дұрыс басшылар келіп қалаларымыз көркейсе деген үміт.
3) Бізде облыстан бөлек аудандар мен ауылдар жағдайы жақсы емес. ШҚО мен Семейдің қосылуы кезінде өте көп аудандар біріккен болатын. Енді облыстарды бөлуде аудандар шекарасы қайта қаралып жаңа (ескі) аудандар пайда болады. Олда ауылдардың дамуына үлкен пайда. Аудандардың жеке болуы халық үшінде ыңғайлы деп ойлаймын. Яғни жаңа облыстар қаланың ғана емес ауылдардың да дамуы.
4) Тұрғындардың мотивациясының артуы мен білікті мамандардың аймақтарға оралуына себепші болады. Біз Семейден көп жастардың кетіп жатқаның жиі айтамыз (тіпті өзім де кеткім келген). Енді көңіл бөлініп жұмыс орындары ашылса адамдар аймақтарына үйлеріне қайтады. Тіпті жұмыс істеу барысында жаңа мотивациямен кіріседі деп ойлаймын. Мысал меніңде мемлекеттік қызметке оралуға ниетім оянды)
5) Абай, Ұлытау, Жетісу және Қонаев бұл қазақи атаулардың рухани себебі өте жоғары. Бізде басым ұлт қазақ ұлты, және мемлекетте ұлттық бірегейлік болмаса сыртқы қауіп екі еселенетінің соңғы оқиғалар дәлелдеді. Азаматтарды ұлттандыру және патриотизмін оятуда бұл аса маңызды шешім. Димаш атамыздың еңбегінің бағалануы құрметке ие болуы да халыққа қуаныш сыйлайтыны анық.
6) Президент беделі екі есе артты. Дәл кәзір экономика қиын жағдайда және экономикалық реформа жасау қиын еді. Осы себептен рухани қуаныш сыйлау арықылы қолдауды бірнеше есе арттырды деуге болады. Жолдау біз үшін өтірік сандар мен уаделер емес ендігі таңда бәріміз күтіп тыңдайтын маңызды шараға айналды деуге болады.

Мен қалам үшін, туған жерім үшін өте қуаныштымын. Енді құр қуана бермей осы жаңа Қазақстандағы, жаңа Облыстың, жаңа Облыс орталығының дамуына үлес қосуымыз керек деп ойлаймын. Ашу / Түсініктеме

2022-03-15 20:44:23 Ертен жолдау) Бәрі қызық күтіп отыр) Мен не күтем немесе не болуы мүмкін)

1. Тұңғыш президент туралы заңды қайта қарау туралы ұсыныс айтылуы мүмкін. Себеп Қ. Сатыбалдының ұсталуы. Бірақ ықтималдылығы төмен.
2. Пенсия, пособия, бюджеттік қызметкерлер жалақысы өсуі мүмкін.
3. Кезектен тыс парламент сайлауы болатының мәлімдейді деп ойлайм. Бірақ күзден бері қарай болмайды.
4. Қарулы күштерге үлкен реформа болады. КНБ таратылып басқалай құрылуы мүмкін.
5. Кәсіпкерлікті қолдау бойынша жаңа бағдарлама ұсынылады. Гранттар, субсидия мен несиенің жаңа түрі.
6. Сайлау туралы заң толық өзгереді. Партияларды тіркеу жеңілдейді.
7. Сыртқы саясатқа байланысты үлкен бастамалар айтады. Сыртқы саясаттағы курс өзгереді деп ойлайм. Ашу / Түсініктеме