Уақыт өтіп барады, тындырған түгі жоқ. Мәселен, кеше түстен бү | Кітап үзіндісі

Уақыт өтіп барады, тындырған түгі жоқ. Мәселен, кеше түстен бүгінгі түске дейінгі бір тәулік ішінде не бітірдің? Жарайды, уақа емес, емтиханнан соң шаршаған шығарсың. Ал сонда бос кеткен күнің осы ғана ма? Мұндай күннің талайы кетіп жатқан жоқ па... Қор боп, жылап кетіп жатқан жоқ па... Өстіп кете бермек пе? Сонда отызға келгенде, қырыққа келгенде кім боласың? Елуге не бетіңмен жетесің? Елуге жете қойсаң жақсы, үлесіңе берілген өмір өлшеулі, одан әлдеқайда аз болса қайтпексің? Тағдырдың пешенеңе жазған еншісі қарашы жұрттан өзгеше болса, өзгеше екеніне сенімді болсаң неге еңбек етпейсің, неге жан қинап терлемейсің? Бар ойы — қарын қамынан аспаған қаса наданнан не айырмаң бар?

Мұхтар Мағауин "Көк мұнар"

@kitapuzindisi