Мойнақта «Ралли Мойнақ-2022» автомобиль спорты жарыслары болып өтеди
Усы жылдың 3-5-июнь күнлери Мойнақ районында «Ралли Мойнақ-2022» автомобиль спорты жарыслары болып өтеди. Бул ҳаққында район ҳәкимлиги мәлимлеме хызмети хабар берди.
Қарақалпақстан Республикасы Жоқарғы Кеңеси ҳәм Министрлер Кеңеси, Өзбекстан Республикасы Бас прокуратурасы, Өзбекстан қорғаныўына көмеклесиўши «Ватанпарвар» шөлкеми тәрепинен шөлкемлестирилип атырған жарыс төмендеги класслар бойынша өткериледи:
1) Двигатель көлеми 1600 сантиметр кубқа шекемги «А-8» автомобиль класы бойынша;
2) Двигатель көлеми 2000 сантиметр кубқа шекемги «А-9» автомобиль класы бойынша;
3) Двигатель көлеми 2000 сантиметр кубқа шекемги «Багги»;
4) Двигатель көлеми 125 сантиметр кубқа шекемги мотоцикллер бойынша;
5) Двигатель көлеми 500 сантиметр кубқа шекемги мотоцикллер бойынша.
Каналымызға ағза болың @karinformuz
Telegram | Facebook | Instagram | Youtube | Odnoklassniki
