Жоқарғы Кеңес Баслығы Мурат Камалов ҳәм Министрлер Кеңесиниң Баслығы Қаҳраман Сариев мектеп питкериўшилерин қутлықлады
Қарақалпақстан Республикасы Жоқарғы Кеңесиниң Баслығы М.Камалов пайтахтымыздағы 37-санлы қәнигелестирилген улыўма билим бериў мектебинде өткерилген «Соңғы қоңыраў» илажына қатнасты.
Илажда Жоқарғы Кеңес Баслығы мектеп питкериўшилерин шын кеўилден қутлықлап, Өзбекстан Республикасы Президентиниң мектеплерди питкериўши ул-қызларға жоллаған қутлықлаўын оқып еситтирди.
Сондай-ақ, Министрлер Кеңесиниң Баслығы Қаҳраман Сариев Нөкис қаласындағы 46-санлы улыўма билим бериў мектебинде болып өткен «Соңғы қоңыраў» кешесине қатнасты.
Қ.Сариев өз алдына үлкен мақсетлерди қойған питкериўшилерди бүгинги қуўанышлы байрам менен қутлықлап, Президентимиздиң питкериўши ул-қызларға жоллаған байрам тилеклерин жеткерди.
Каналымызға ағза болың @karinformuz
Telegram | Facebook | Instagram | Youtube | Odnoklassniki