2022-07-20 08:40:36
قال رسول الله صلى
الله عليه وسلم: تخيروا لنطفكم فإن النساء يلدن أشباه إخوانهن وأخواتهن
Мұхаммад пайғамбар
ﷺ :
«Әйелдерді жақсы нәсіл үшін таңдаңдар! Өйткені әйелдер өздерінің аға-інілерi мен қарындастарына ұқсас перзент туады»
Ғалымдар айтады: «Еркек тек шәһуатін қандыру мақсатында емес, бәлкім нәсілін сақтап қалу, үй тіршілігін реттеу және мал-дүниенi молайту максатында үйленеді. Сондықтан әйелге ақыл, адамгершілік пен ерсіз қылықтан арлану тән болуы тиіс. Осы айтылған - сипаттардың асылы. Олай болса, саналық пен үй тіршілігін реттей білу ақылдылыққа, рақымдылық, жақсы сөз және еріне бойсұну - адамгершілікке,
ал бойын жауып жүру және жеңіл мінезділіктен сақтану ерсіз қылықтан арлануға жатады. Некелескеннен соң еркек жұбайын кемсітпеуі тиіс. Кемшіліктері болса, жасырып, оған тән ерекшеліктерін қанағатшылдықпен кабылдауы керек. Осы жағдай әйелі оған ынтамен бойсұнуына септігін тигізеді».
Хадисте баланың Нағашы жұртына ұқсауы жайында айтылған.
Қазақ: «Ер-азаматтың үш жұрты болады»,-дейді. Осылай айтудың жөні бар. Өйткені: нағашы жұртың сыншыл келеді. Жақсылығына сүйсініп, жамандығына күйінеді. Әрқашан тілеуіңді тілеп, қамқоршы болады. Баланың ер азамат болып жетілуі үшін ананың сіңіретін еңбегі орасан зор. Әрбір тұлғаның артында әйел тұрады. Сондықтан ел үшін туған азамат - асыл ана жемісі деуге әбден болады.
Қазақ: «Жігіттің жақсы болуы - нағашыдан, үйдің жақсы болуы - ағашынан»,-дейді. Осы мәселеге бір көз салсақ. Мәселен, Абай мен Шәкәрімнің үлкен нағашысы батыр, ауызы дуалы би, көк бөріні кие тұтқан Ер Жәнібек. Ал шежіре жөнімен таратса, Ер Жәнібектің үлкен нағашысы атақты Қаз дауысты Қазыбек би, өз нағашысы Сарыүйсін Досымбет (Досымбек) батыр.
Қажы Мұқанның туған нағашы атасы Лек палуан ағаштарды тамырымен жұлып алуға шамасы жеткен атақты палуан. Үлкен нағашысы Бейсеу де аты мәлім батыр, анасы Кабира да аңызға айналған алып күштің иесі.
Әлихан Бекейханның анасы мен Шәкәрім Құдайбердіұлының анасы туған апалы-сіңлілі болған. Атақты Мамай батырдың немерелері. Бегім ханым ауылындағы адамдарға арабшадан сабақ берген. Тіпті, көрші ауылдағы жетім балаларды алдырып, оқытқан.
Canal: @kaatib0
İnst: @ereke_m
397 views05:40
Ж
