2021-05-03 15:33:49
Программалауды тастап кеткім келеді.
Маған мұндай ой аптасына кем дегенде 1-2 рет келіп тұрады. Бірақ сонда да программирования енді ғана бастап жатқан адамдарда жиірек болады деп ойлаймын.
Ешқашан қайтпау керек. Мен есеп шығаруымды магистартураның 2 курсына қарай бастадым. Ол кезде магистартурамен қатар жұмыс та істеп жүрген кезім. Яғни, 9-18 дейін жұмыс, 18:30-22 дейін магистратура. Содан қалған уақытта есеп шығаратынмын. Сондықтан әрбір есеп, әрбір тақырып өте қиын берілетін. Шаршап тұрған ми ешнәрсе қабылдағысы келмейтін. Бір жағынан ақша да керек, екінші жағынан Гуглға жұмысқа тұрсам деген арман-мақсат бар. Сондықтан екеуін қатар алып жүру керек болды.
Дайындық барысында, көп жағдайда, есеп шығаруға қабылетім жоқ деген ой келетін. Бірақ сол қабілетім жоқ деп жүріп leetcode.com-ның өзінен, сол кездегі бар ~1000 есептің 700 есебін шығарып тастаппын. acmp.ru-дан 700ден 500 есеп. codeforces.com-нан ~1000 шақты есеп. Одан басқа hackerrank, codechef, interviewbits деген сияқты сайттардан да біраз есеп шығарып тастаппын.
Қазір Google-да істеп жүріп те проектімнің қиын тұстарына келгенде тастап кеткім келеді. Бірақ соңында бір шешімі табылып жатады. Егер сізде де сондай сезімдер болып жүрсе қорықпаңыз. Ондай сезім барлығында болады.
Сізде де өзіңіздің істеп жүрген ісіңіз ұнамай кететін кездер болса бөлісіп кетіңіз?
Авторы aman.utemuratov
835 viewsЕржан Домақов, edited 12:33