2021-08-31 19:30:28
1-курс. Балапан шағымнан жалынды жастықтың дәуреніне өткен кезеңім.
Сол кезеңнен бастап ересек өмірдің сәл де болсын дәмін таттым. Осы шақтан бастап адамдарға сенімім азая бастады. “Жан дос, сенімді серік” деген ұғымдар санамнан өшті. Бұл менің ерік-жігерімнен болған дүниелер емес, өмір үйретті.
“Жақыным жат болды, сенгенім сатты”,- дейтін тіркестерді жиі кездестіремін. Бұл қалыпты үдеріс. Өмірдің бір сатысына аяқ бастыңыз. Балалық қиялмен өрілген дүниелер көкжиектен қол бұлғап қала береді. Өткінші. Бәрінің өтетін түсіну керек.
Адамдарға сырымды айтудан қашқақтаймын. Айтатын адамымның болмағандығында емес, жүрегім қаламайды. Бұл да уақыттың еншісімен келген еді.
72 viewsГүлжан Гинаятова, edited 16:30