Gulzhanginayat

2022-01-14 17:57:29 Кейде отырып ойлаймын.

“Ана құрбым қайда, мына досым қайда кетті?..”

Ойласам, барлығы заңдылық екен ғой. Уақыт бір орында тұрмайды, адамдар да дәл солай. Бірі кетсе, бірінің орнын бірі басар.

Балалықтан ересектікке өту жолындағы алғашқы сынақ - жарты жолдасыңды жоғалту. Сенің не оның қалауы емес, өмірдің өз қалауы солай екен.

Кейін “сол бір жандар қайда екен?” - деген сұрау пайда болды.

Менің де ішке бүккен сырым көп. Ойдың салмағы әрқашан да ауыр. Өз шындығымнан әр аса алмай, күрмеулі сұрақтың жауабын таппай кеттім.

Бұл уақытында болған оқиғалар. Кейін жауабын білуге де талпынбадым. Өткенің еншісінде қалдырған дұрыс екен. Ашу / Түсініктеме

2022-01-14 17:44:54 Дүниедегі ең құнды да, ең құнсыз да сол адамның өз өмірі-ау. Жас бала жарық дүниеге көзін жұмып туады, бәлкім атысып-шабысқан сұрқиялық пен сұмдықты көргісі келмегені де... ал, сол бала ер жете келе, өмірдің бар кереғар бақыты мен қайғысына еті үйрене келе – қимай қиналады. Жалғыз ғұмырды тастап, арғы дүниеге аттана алмай – көзін ашып өледі... Өліге де, тіріге де төсек болған қара жер ғана тентек пендесін теңестіреді.

О. Бөкей “Құм мінез” Ашу / Түсініктеме

2022-01-14 17:43:04 Ертеден кешке дейін еңбек етіп, атар таңды жүз беріп, аман-есен қарсы алсаң, одан үлкен бақыт барма? Бақыт деген не өзі? Бақыт дегеніміз атақ па, байлық па, əлде самолетке мініп жер шарын шыр айналып шығу ма?

Оралхан Бөкей “Құм мінез” Ашу / Түсініктеме

2022-01-14 17:42:44 Бұл жалғанда мəңгілік шешімін таптырмай кететін жалғыз-ақ жұмбақ бар. Ол - адам жаны, адамзаттың ойы десек, оған да шабуыл жасар күн алыс емес-ау. Егер ой аулайтын құрал табылса, ақыр заман орнағаны да, басқаны қойып, өзінің не істеп, не қоятыныңды бал ашып, біле аласың ба? Адам өткенімен емес, тек қана ертеңімен өмір сүретінін сезе тұра, бүгінгінің - бір күнінің мұңсыз-қамсыз тыныштығын неге көксей береді екен?

Оралхан Бөкей "Құм мінезі" Ашу / Түсініктеме

2022-01-14 16:36:20 Ғұмырдағы ең жаман нәрсе - сағыныш, сол сағыныштың сарғайған суын жұту.

О. Бөкей “Өліара” Ашу / Түсініктеме

2022-01-14 10:56:53 Жұма күні оқылатын дұға

Оқылуы: «Астағфируллаһәлләзи лә иләһә иллә һуәл хайюл қайиуму уә әтубу иләйһи».

Мағынасы: «Өзінен басқа ешбір тәңір болмаған, әрдайым тірі, әр нәрсені толық басқарып тұрушы Аллаһтан күнәларыма кешірім сұраймын және оған тәубе етемін». Ашу / Түсініктеме

2022-01-14 10:13:51 Үнемі рахаттану - мүлдем рахаттанбаумен тең Ашу / Түсініктеме

2022-01-13 13:59:40 Анда-санда жабығып алған да дұрыс шығар. Табиғат берген құбылыстың бәрін адам баласы аңсауға тиісті. Мейлі ол қуаныш болсын, мейлі уайым болсын. Үйткені адам үшін ең жаманы - зерігу. Зерігуден басқаның бәрі салыстырмалы түрде айтқанда түгел жақсы.

Т. Әбдік “Тозақ оттары жымыңдайды”. Ашу / Түсініктеме

2022-01-13 13:02:04 Қазір ел құлағы елу емес, жүз болып тұрған заман. Ашу / Түсініктеме